أرحب يابو سلطان

والله كأني أنشبت عمري :d

والله المشكلة بالموقع حق الأزاهره .. كل اللي ببالي محمل بصفحة خاصة للجنادرية . والأن رابط الموقع عيا يفتح .. مادري هل الموقع مقفل وإلا الرابط غلط. ولا أعرف فيه أحد والله .. وما أمون على بن سحمان ولا عندي له رقم.

ولكن يابو سلطان مالك إلا الرضاء .. وأبشر بالعوض.... ووالله إن هذا عذري المأخرني للحين.


إبن مانع ...

تسلم والله وأدري إني أحرجتك من ناحية بن سحمان .. لكن والله إني سمعت له كثير ولا أحفظ إلا القليل.

كان يقول لواحد عتيبي في قصيدة رد قوية جدا وطويله:

والله إنا مرتوين للزرار .... ووالله إنا طوال وأشهر من علم

ولو ماهو بكفو ومن روس ربعه وشاعر مبدع وراح يكون له صدى بأسم القحاطين ما عنيتك يالذيب.

لكن اللي أعرف عنه إنه ملاص ولاهو يقعد مع من قعد ولا يحب الظهور والإختلاط بالشعراء الكبار.

بس والله أبياته تشهد له وأمسيته في المفتاحه بأبها حظرتها وله نجاح باهر فيها .

وشهد له : عبدالله الشريف ... وعبدالكريم القحطاني... ومساعد الرشيدي.

وعيا إلا بالعومه والسفريات...