[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
مني التحية والثنا والسلامي=تحيتي تنصا الرجال الحشامي
اهل القلوب الطاهرة والنظيفه=والي سمع قولي وثمن كلامي
من بعدها التقدير فاحت عطوره=العود الازرق هاجسي واحترامي
الشعر مثل الخيل فيه الاصايل=المسرجات العادية با الجامي
والخيل فيها الطيبة والكديشه=وانا الاصيلة مكسبي واهتمامي
شف الكحيلة يوم فيدي رسنها=وقت السبق تاتي بغاية مرامي
وان عودت للرمح والا الفتيله=فنا بكفي سيف والراس حامي
شاعر ولي عزوه تنوش الطويله=جمع ال حازب محتمين الجهامي
تاريخهم معروف بين القبايل=تظرب بهم المثال يوم الزحامي
وخيالهم في الحرب ينطح سريه=اليا اعتزا ثم سل سيف(ن)حسامي
(ما ينفع القراع عند ال حازب)=لي ثارت الهيجا وحان الخصامي
قولن قديم(ن)والعرب يعرفونه=من غيرهم ف الحرب يشري وسامي
يوم الحرايب با السلال الصقيله=قسم ال حازب من علو السنامي
ولا عليكم زود كلن دليله=وقت(ن)مضا من قبل حل النظامي
وختامها يا اهل الفخر والحميه=صلو على المختار خير الانامي
[/poem]

__________________
[poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا احمد الله قاسي الراس دندون=وربعي هل الظمات عسرن لقاها
وقت المعارك جمعنا يعجب اعيون=الي على سلم الشجاعة هواها
وان دارت ارحا الحرب طاحن ومطحون=ترا كثير القوم نكسر رحاها
يوم الحرايب بين طاعن ومطعون=غير ابن حازب من هو الي شراها
[/poem]