المشاركة الأصلية كتبت بواسطة سفر بن مبارك

[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=2 line=1 align=center use=ex num=",black""]
رحلت يا فكاك عسرات الانشاب =يا اللي ما لحقك في حياتك ملامة

ودعت دارك والعشيرة والأقراب=ورحلت في ليل(ن) حلوك ظلامه


قفت بك ركاب المنايا والاسباب=اللي ما منها لو سلمنا سلامة


كل(ن) وله ميعاد والموت جلاب=نهاية المخلوق حفرة وخامة


يا الله عسى لك عند واليك ما طاب=وفي جنة الفردوس خالد الاقامة


يا ممن الروعات في كل مرتاب =لاطاح وازرى لا تشيله عظامه


ريف اليتامى والأرامل والأصحاب =وملجا لمن ضده زمانه وضامه

بنيت مجد(ن) يا أبيض الوجه ما غاب=بنيته بتقوى وعزم وصرامه


أنا أشهد ان فقداك وغيابك غياب =وفرجَتك فرجة لين يوم القيامة


شيخٍ مواثيقك مواثيق وقطاب =لك من مجيد المجد ذروة سنامه


بالطيب تشهد لك الأقارب والأغراب =عليت يا راس الشرف والزعامة


يا دليم يا زبن المكارب والاتعاب =لا راغ عنها اللي ما يكرب حزامه


يا الله عسى قبرك يساقيه صباب =من مدلهم(ن) ما تفاخت ركامه


وداعتك يا قبر في عرب الأنساب =شيخ(ن)زحول القوم تعرف مقامه[/poem]