ممدوح انايابوك داهمني الشيب
بسم الله الرحمن الرحيم
اخواني الاعزاء تحيه طيبه وبعد احببت ان اسمعكم كلمات كتبتها في اخر العنقود من اولدي والقريب لنفسي وهوا في سن الطفوله وكان عمره لايتجوز الرابعه من عمره وكان في ذلك اليوم الذي وصلت الى البيت ووجدته جالسن يلعب في بعض الالعاب الذي احظرتها له ويقوم بتصفيفها فنظرات اليه وهو يلعب فاهضت قريحتي ب هذي الابيات المعبره اكثر عن ما كتبته من تعبير واترككم مع القصيده عسى ان تنال اعجاب الجميع وشكرا
يصفني ممدوح صف الاعابيب === وارتاح لا شفته ويرتاح بالي
شوفه ينسيني الشقى لعواء الذيب === ولعبن معه يبعد همومن ثقالي
انشهد اني مملن فيك بطيب ==== ياجعل ربي يحفظك يا حلالي
عينك تبشر يا عطيب المظاريب === انك سند عودن طوته اليالي
ابيك يا ممدوح تقراء المكاتيب ==== وابيك في التعليم قرم العيالي
وابيك يا ذخري تعرف المواجيب === تقصر عن القاصر وترقا الطوالي
وابيك عند الله قريب الاقاريب === ترعى حقوق الله منشي الخيالي
وابيك تعرف زارع الطيب والعيب === العيب شر وزارع الطيب عالي
خلك مع اللي يعرفون المطاليب ===لاتقرب اللي لاهرج لك خيالي
ممدوح انايابوك داهمني الشيب === وانت الامل يا بوك خلك اقبالي
اسمع نصيحة من رقا في المراقيب === رجلة يمشيها بزين المفالي
ابوك في الدنيا طبيب الاطابيب === ما هوب من ناسن نباهم هيالي
شربت في الدنيا لذيذ المشاريب === وعرفتها شرق و جنوب و شمالي
الشاعر محمد بن مسفر بن جليد الفهري
__________________
خلقت في الدنياوانامامعي شي *** وباروح منها مامعي شي منها
مسكين يالي تحسب الواجدشوي *** العافيه لوتنشرى وش ثمنها