بسم الله الرحمن الرحيم

السلام عليكم ورحمة الله وبركاته



...رثاء الشيخ المرحوم عايض بن ذيب القنطاش...


http://www.youtube.com/watch?v=asbB7gHFmu4




[poem=font="Traditional Arabic,7,black,normal,normal" bkcolor="transparent" bkimage="" border="double,4,black" type=2 line=0 align=center use=ex num="0,black""]

تقول السنين العوج طبع الزمن دوار=وانا اقول يا طبع الزمن مالك ومالي


مضى وقت وعيوني تهامل كما الامطار=ولابه ملامه يوم دمعي على غالي


اجامل مع العالم وانا لاهبٍ بي نار=ولا تصبر جنوبي على لاهب الصالي


وجودي على ستر اليتامى عزيز الجار=بعيد الهقاوي طيب الوجه والفالي


مساريه في سود الليالي لها تذكار =وشلفاه دون اضعوف خلق الله اتلالي


مواقفيه اللي هيضتني علا الاشعار=قصر دونها حكام وشيوخ ورجالي


لمنك زهمته في لزومك نهز ما بار=ولا جيت عنده تبشر بوجه رجالي


لمنه عطا شوره ليا قلصت الاشوار=يسد اللزوم ويجلي الهم فالحالي


يدير القضايا وابيض الوجه ما يندار=طريقه على وضح النقا شامخ عالي


ابا ابكيك يا عمرٍ ما هو يشبه الاعمار=مسيرة فخر ماهي سواليف وهوالي


اذوق الغبينه واحتسي دله الامرار=ومثلي علا ذا الحال شيبان وعيالي


مصيبتن حلت وفيها العقول اتحار=وترضخ لها صم القصايد والامثالي


غدت بالعقيد الصارم الحازم المغوار=ويش العوض لو صكت ايمني شمالي


لا شك انحن نصبر علا دورة الاقدار=وتبقى ورا القنطاش جزلات الافعالي


اعزي بني عمي عبايد خفى وجهار=واعزي شيوخ القوم وااعزي لحالي


واعزي قبيلة عايض معسفة الامهار=كناديةٍ فالضيق تطري علا البالي


قلته وانا من بيت حكمه وطيب وكار=نسل الفريح معرب الجد والخالي


باسم ربعي ال قريش نرسل عبر الاقمار=وعزانا تسافر به محطات الارسالي


عسى الله يقطع دابر الشر والاشرار=ويمحى من الدنيا هل الغدر الانذالي


وعلي الحرام اني تبشمت يا شعار=وغصتني العبره وضيعت موالي[/poem]




-------------------

الشاعر / سعيد ال سياف الفريح القريشي

تحياتي..