السلام عليكم ورحمة الله
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]

ايامنا مابين زين وبين شين=تلعب بنا السبّله على كلّ اتجاه

لكن عسى ربي على الدنيا يعين=ويعينّا نحافض على فروض الصلاه

افرح لمنّي شفت ناسٍ طيبين=اللي سوالفهم لها ذوق وطراه

اللي مواقفهم على مر السنين=طيب ووفا واخلاص من ربّي هداه

واحزن( عسى ربي يعزّ السامعين)=لاشفت من ياكل ويغتاب اخوياه

الله يسود وجه ابو حقد دفين =اللي رفيقه دوم مايسلم قفاه

شرّه على منهم معاه قريبين=ومن العدا يقصر لسانه في جماه

الطيب مايقواه مكتوف اليدين=وعن العلوم الغانمه تقصر خطاه

ولا يزاور له مريض ولا سجين=ولا يعزيّ حدّ لا سمع بوفاه

ولايصل رحمه ولا دنيا ودين=مايندرى وش خانته في ذالحياه

وجهت له بيتين اذا قلبه فطين=مخطي وانا بينت له وشهو خطاه

ان استفاد فزين زاده فوق زين=والا عسى دربه مع مقيط ورشاه [/poem]



وسلامتكم

__________________