رد: أعنّز على حنـاش ولّـى علـى دبسـان
وانا مكسبي ماهوب فالمال ياسلطان
ترا تجرة الرجال وأغلى مكاسيبه
معرفة هل الناموس والعز والشجعان
وراسي على هام العلى باديٍ شيبه
وجودي وجود مقيد جرّه السجان
خذوه الجنود وقام حكمه ينادي به
على رفقة اللي مايبادونك الحقران
ولا يلحقونك بالزمان وعذاريبه
وأنا اداري الجهال واقدّر الشيبان
واداوي مريض الكبد وألحق مشاهيبه
وضلعي متين ومحزمي وافي ومليان
بربعي زهير وبقحطان ومناسيبه
أعز القرايب وأكرم الجار والضيفان
لو الوقت الاقشر قاضبتني مخاليبه
تنام العيون المستريحه وانا سهران
وماكتب للمخلوق ماعنه تجنيبه
ولاني بشاكي إلا على المعطي المنان
إله يقلّب حال عبده ويدري به
عسى الله يبدّل عسر الايام باليسران
وحظ الكريم يقوم والغايب يجيبه
صح لسانك يالزهيري على هذي الشامخة
تقبل ودي
__________________
[poem=font="Arial,5,black,bold,normal" bkcolor="transparent" bkimage="backgrounds/11.gif" border="outset,4,orange" type=0 line=0 align=center use=ex num="0,black""]
انداري الناس ونحاول نراضيها = وغير المشاريه ما خذنا ولاحاجه
[/poem]الشاعر/ سلطان بن بتلاء