[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا لا تكدّر خاطري الصلف بعض احيان = وقامت مسيمات الهواجيس تومي به
وشانت علي من كل حال ولاشٍ زان = وجنبت عن مجلس هل الشك والريبه
أسيّر على حناش ولّى على دبسان =أهل مجلس يلقاك طيبه وترحيبه
ولّى اروح لبن خجيم ولّى لبو راكان = وروس أرحبو في مجلسٍ ذاعرٍ طيبه
ولّى جيت ابن فردان ولّى فهد خيطان = رجال الوفا كلٍ يثنّي تراحيبه
ولا قاصرٍ في كل قرمٍ وسيع بطان = مشط بالضفر والطيب دقنه وأشانيبه
الاجواد واجد والمطاليق والضفران = وكم من شجاع روس ربعه تماري به
سلامي على راس ابن عمي رفيع الشان = سلام ٍ بدهن العود والمسك نبدي به
وسيع البنايد وافي العدّ ابو مشعان = رفيق ونسيب مايضيّع مواجيبه
وسلامي على كل أبيلج من بنو قحطان = هل العز والناموس والمجد والهيبه
وسلامي على أهل الطيب من خيرة العربان = وذكر القروم يبين والناس تدري به
مثل ابوسكيته وابن قروش وابن كعبان = ومثل ابو وعله وابن علاس في طيبه
ومثل ابن جرشب والجهيمي وبن سفران = وابو ثنين والغرمول والكفو أسمي به
محمد محمد والخيارين فعله بان = ومثل ابن حثلين والافعال تحكي به
وكم من زحول ومن قروم ومن شيخان = لهم في سنام الطيب كلٍ يغني به
سوا من بنو قحطان ولّى بنو عدنان = عرفناه ولاقصّر العرف عن غيبه
وأنا أحب كل معرّب للفخر عنوان =مقامه وتشريفه وفعله وترتيبه
ينومسني اللي في المواقيف كنْه حصان =يعنّز عليه اللي تلوفه هناديبه
أجي مجلسه واقلط على الود والصفطان =وضحكت حجاج كل من جاء يهلي به
وانا مكسبي ماهوب فالمال ياسلطان= ترا تجرة الرجال وأغلى مكاسيبه
معرفة هل الناموس والعز والشجعان =وراسي على هام العلى باديٍ شيبه
وجودي وجود مقيد جرّه السجان =خذوه الجنود وقام حكمه ينادي به
على رفقة اللي مايبادونك الحقران =ولا يلحقونك بالزمان وعذاريبه
وأنا اداري الجهال واقدّر الشيبان =واداوي مريض الكبد وألحق مشاهيبه
وضلعي متين ومحزمي وافي ومليان =بربعي زهير وبقحطان ومناسيبه
أعز القرايب وأكرم الجار والضيفان = لو الوقت الاقشر قاضبتني مخاليبه
تنام العيون المستريحه وانا سهران =وماكتب للمخلوق ماعنه تجنيبه
ولاني بشاكي إلا على المعطي المنان= إلاه يقلّب حال عبده ويدري به
عسى الله يبدّل عسر الايام باليسران =وحظ الكريم يقوم والغايب يجيبه[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]