السلام عليكم ورحمه الله وبركاته
هذه الابيات كتبتها بأخي الكبير مترك بعد ان مرت عليه وعكه صحية والحمدلله على السلامه والى الابيات وارجو من الله عز وجل ان تنال رضاكم :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

عساك يامترك بخير وسلامه=ياللي طريق المرجله من مباديك

صميدع راسك رفيع مقامه=حلال حلحيل تحل الشرابيك

بين الاذان وبين وقت الاقامه=نطلب من الله كل ليل يشافيك

مشهود لك بالطيب يابو الكرامه=ومشهود فعلك عند ربعك وعانيك

يوم ان غيرك يهتوي للملامه =وليا هرج معروف هرج الصعاليك

من قال يامترك تجيه ابتسامه =يبشر بعزه دامها في حراويك

فزعتك تشفي من بصدره غمامه=مرسول من بقعا يبي قول لبيك

وقف لها المطنوخ وقفه زعامه =وقلت الذي تبغيه عده بااياديك

ياطويق ولا ياجبال التهامه =اشبهك فيها ولا فيه تشكيك[/poem]
وسلامتكم