هذه القصيدة مرثية في الشيخ / محمد بن عبدالعزيز بن لبده رحمه الله واسكنه فسيح الجنان







[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]

ياوالله الي مات رجل المهمات = نسل الشيوخ مطوعة كل غاوي

محمد نسل الرجال المسمات = وقت اللقاء لا جاء نهار العزاوي

انا اشهد انه فزعة وقت الأزمات = وملجا الضعيف الي بلته البلاوي

خذا من الشيخ المسمى علامات = عبدالعزيز الي على الطيب حاوي

وإن قلت ابن لبده تزيد المجالات = ما ينحصى فعله بعيد الهقاوي

دمث الجناب ومحزمك كل الوقات = مزبن دخيل راح وقته جلاوي

يرسي لا من صار فالوقت صكات = ويارد على العد الغزير الرهاوي

مشرع بابه على كل حزات = ذرب اليمين الي تجيب المناوي

لاجيت في بيته زبون الونيات = تلقى الشحم والعود الازرق وجاوي

ودلال رسلان على الجمر مركات = وسوالف يطرب لها كل هاوي

الله يجزى راعي الطيب جنات = وتجبر عزانا ياوثيق العراوي

والله يحسن خاتمتنا ليا جات = لاغرغرت واحتار فكر المداوي

وختامها على محمد صلاوات = عداد ما نشى السحاب السماوي

يقولها ابن جليد في عدت ابيات = مرثيه في طير حر نداوي

[/poem]








الشاعر عشق بن محمد بن جليـــــــد
[/quote] ال عاطف

ودمتم