الأخ فتى الجوة

أرحب وحياك الله ولاهنت على المرور والتفاعل المميز ولاهي غريبة على مثلك وشرواك

وتفادا الموقف فالضحية الجاية أنشاءالله

وشكراً

الأخ آل معمر

ارحب يالذيب ولاهنت على المشاركة والموقف جميل ومحرج خاصه يوم تلحقها وتقول ماتبغين الثوب هخهخهخههخ

مشكوووووووووووور يالسنافي


أما اخر مرة أندعس فيها بطني من أبوي قبل 13 سنة تقريباَ ماذكر بالتحديد لاكن الزبدة

كان عندنا حوش غنم خلف بيتنا حاطة جدي الله يرحمة يوسع خاطرة ويبيع ويشتري على الجيران اللي حولنا لاكن البلدية ماعندها خبر واذا جو صرفهم أنت خابر الشيبان عاد

قالي أبوي رح وأنا أبوك وجب لي الطلي اللي في الحوش بنروح نعين به واحد من الجماعة معرس المهم قلت ابشر وأنا ولدك ــ هياط ــ واجيك فازع للحوش وأدور ذا الطلي وينه لعنبوه وينه وأتل ذاك الطلي وأسحبة وأحطه في ظهر الصندوق ونجيك مروحين للمعرس وصلنا للمحل أللي بنحط فيه الذبايح وينزل أبوي واحلف عليه والله ماتنزل قال اصه ياورع المهم وينزل يبغى يفك الرباط ــــــ لاهي والله شاه وعيالها في الحوش ولا فيها ولا سن ماتنقاد فشيله ــ وانا أحسبني ماخليت ولا بقيت ــ ويجيني بالعقال من العقل الأوله ذيك اللي تقول سير مرورحة والله لايوريك تمحيط لين رجعنا للبيت والنتيجة حظر ما عاد أدخل الحوش وكن مكان تسلية الحوش منول ولعب


تقبلو تحياتي


اللي بعدي الموقف هو


وشهو الموقف اللي حصلك وأنحرجت منه وكان المجلس مليان بالرجاجيل


وشكراً