رد: القصمان والحضارم زي بعض ....
اقتباس:
المشاركة الأصلية كتبت بواسطة الضويري
هذي سالفة صحيحه
كان احد القصمان في زيارة لبريدة في اول الزمان وكان من اهل الخبوب حول بريدة
وسمع في السوق عن طاري لرجال كريم يرحب بالطرقية فسأل عن محله لين جاه
واستغرب الكرم الشديد وخوينا القصيم ماعليه قاصر لكن الحياة تعلم التقشف
والمجلس مكتظ عن آخره الي ما ذاق اللحم يروح عند قضعان
خوينا القصيمي سأل احد الجالسين عن هذا الرجل الكريم
فقالو له هذا اسمه قضعان تزوج ارملة راعي ذالبيت وكان قضعان فقير معدم وكان يرعى
دبش هل بريدة
والمرحوم راعي ذالبيت من اكبر تجار بريدة ويوم تزوجها قضعان بعد مدة وكلته المرة على الحلال كله وصارت له الكلمة الطولى في بريدة كلها
( يمقن شافت نشاطه حبته اكثر من الدراهم ... هذي من عندي )
يوم رجع خوينا القصيمي لديرته اول شيء سواه
راح السوق وشرا الذبيحة والعيشة واستجار حمالي بعد
ويوم دخل البيت ما صدقت المعزبة الي شافته والعيال بعد
ويوم سألته المعزبة عن الي جابه .... قالها
نبي ناكل حلالنا قبل لا يجي قضعان عقبنا ياكله
|
ونعم بجاري ياهلا يالضويري
صح لسانك خل اللي يلومني يدري ولا تقولون الغربية متفقين .
شف زوجته وعياله ماهم مصدقين إن أبوهم يشتري ذبيحة .
أصلآ واحد من الأولا سأل أبو ه يوم دخل بالذبيحة ... جاء عيد الأضحى يوباااوه .. قبل ما يعلم بقضعان .
المصيبة قضعان هذا لا يكون حضرمي يالضويري .
وينك ياماجد دس راسك كثرة الحيود عساك سالم وتسلم لنا .
شكرآ لك يالضويري والحمد لله على تواجدك ولاهنت .
والسلام