ارحب يا سليماني تراحيب الحياء
بيض الله ووجهك على ذا الموضوع الجزل والوافي
الكل يعرف خصوصاً من عرّاف الرجال واللي يتحلون بالصدق والحياديه أن كلامك صحيح وفي محله اما هواة النت والقصص الخيالية فكل عنده خير سواء عند قحطان وعتيبه وغيرهم
الحق يجب ان يقال حتى ولو كان على النفس !!!
تجد ان بعض الاشخاص قد يجعل من اجداده انهم اهل اشده ( اماره ) والحقيقة عكس ذلك
واخذ ينسج القصص الخياليه ويذهب للمؤلفين ويغريهم بالمال لكي يكتبوا عن اجداده بل يصل الامر ان ينسب فعول وقصص وقصائد لاجداده وهي ليست لهم !!!
ومن ضمنهم احد المسشرقين اغراه احد العتبان بالمال في بداية حكم الملك عبدالعزيز وجعل قصص كانت ضد قبيلة عتيبه وجعلها العكس وعي سالفتهم مع الشيخ الفارس المشهور مناحي بن جرمان بن عويضه بن سعيدان مع قبيلة الشيابين وكان فيها كسيرة على عتيبه وقد سبيت فيها زوجة الشيخ الفارس المشهور هذال بن فهيد شيخ قبيلة الشيابين يقول الشيخ الفارس المشهور مناحي بن جرمان بن سعيدان وموجها ً كلامة للشيخ الفارس هذال بن فهيد بعد ان اخذ يتعهد قبيلة قحطان بالمغزى عليهم:
هو ما خبر يوم(ن) بخشم غرور = يوم حصه بالضعن تنخاه
يضرَب بشلفا(ن) حدها مسمور = من فوق الابهر في قوي علباه
# حصه : هي زوجة الشيخ الفارس هذال بن فهيد
لان في هذي المعركة اصيب الشيخ الفارس هذال بن فهيد اصابة خطيره من قبل الشيخ الفارس مناحي بن جرمان وهي منطقه حساسة في جسمه وترك المعركة وانسحب منها وكان الفكك ذا اليوم على ايد الشغار احد شيوخ الدماسين من عتيبه انسحب بالبقيه وهذي الهية في غرور بالقرب من جبل دمخ بالقرب من حلبان وبعد المعركة ارسل الشيخ الفارس مناحي بن جرمان بن سعيدان زوجة الشيخ الفارس هذال بن فهيد لا هلها معززة مكرمة واعطاها ذلول !!!!!

والسالفه عكسها وخربط فيها المستشرق وجعلها من صالح عتيبه ضد قحطان وقد تم انزالها هنا بالمنتدى تحت عنوان ( افتراءات قبيلة عتيبه على الشيخ الفارس مناحي بن جرمان )
وايضا قال الشيخ الفارس هذال بن فهيد وهو يماري بفسه ( وهو كفو اخو هملا )
وادي الرشا بنت(ن) تحب الغيره= ينثر عليها المسك والريحان
على فقارة نجد مني جيره = من زيد ابن شفلوت والصعران
## زيد بن شفلوت : هو الشيخ الفارس المشهور زيد بن سالم بن شفلوت شيخ قبائل عبيده .
## الصعران : هم احدى قبائل مطير وشيخهم ابن بصيص.

رد عليه الشيخ الفارس زيد بن شفلوت :
عند الرفايع حل يوم مغيره = راحت سحايلها على العتبان
هذال اخذنا حلته وبعيره = وحصه سلبنا ثوبها السبهان
وادي الرشا نرعاه عقب الجيره= وابو جهز اسود من الغربان
تقبل يا سليماني كل تقديري واحترامي

__________________