[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=2 line=1 align=center use=ex num="1,black""]
جاد دمع المحاجر في النهار العصيب=واشرقتني جهارن ماعليها عتب
لاسقا الله يومن في طلوعه كئيب=مابغيناه لكن ربي الي كتب
اكتحل عصر يومي بالسواد الرهيب=لحضتن ماحسبت لحاينتها حسب
والله انا فقدنا فرخ حرن يصيب=ماكره من حرارن من قناها كسب
تو فكوا سبوقه ماحسب للنصيب=الاماني بعيدة والامل مانضب
صادف الوقت ماخلا بعيد وقريب=حكمة الله تجري ماعليها غضب
تبكي اهل المراجل من شباب وشيب=مايعوض بداله كل فاتل شنب
تبكي بيوتنا سنام عزن وطيب=في المجالس فقدنا سيفنا المنتصب
تبكي الخيل فارسها تجر النحيب=مايعوض بنات الريح لو من ركب
يبكي العز والناموس راسن صليب=من يلوم المحاجر دمعها لانسكب
كل يومن وطيفك بينا مايغيب=اتحسس مكانها بينا واحتسب
مانسيناك بالدعوات وقت المغيب=مانسيناك ندعي يالله انك تجب
رب يارب يارب مكة يالسميع المجيب=دعوة العبد لامنه دعاك بصخب
مد في قبر عبدالله مجال رحيب=نلتجي بك تعوذه من هوان وكرب
واجعله في جنان الخلد جنب الحبيب=بين جنات عدن وبين ظل ورطب[/poem]

__________________
سبحان الله وبحمده سبحان الله العظيم