[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="1,black""]
يابن كدم اعطيت يا كبر العطية= والجزا من عند خلاق البرايا
ساحة التنفيذ وجموع البرية = والهقاوي فيك من فوق الهقايا
حض عينك بالدعا من صدق نية = لانها لله من صدق النوايا
يابن كدم الطيب فيكم والحمية = كيف وانتم من يقودون السرايا
المقيد تحت حكمك والقضية = استعضت الله ما تبغا عطايا
ابشر وتبشر بتمحا كل سية = العفو يجزاه من ينشي الرفايا
تنشر البيضا مادام الشمس حيه = لابو نايف حطم كبار العطايا
والتحية والثنا والمقدرية = لال كدم اهل الكرم واهل الحمايا
ياشيوخ فعلكم في كل هيه = عجز الكتاب والسنة الروايا
فعلكم يوم القنا والحضرمية = ثابت ما هوب تلفيق وحكايا
مقدم ال قريش يانعم السرية = لا غدا للحرب بارود وضحايا
من طريب الين وصلت حد ليه = ساقوا الغارات في كل النحايا
واتعبوها لين في نجد العذية = صار لال قريش تاريخ وسوايا
وانكفوا مثل السباع اللي ضرية = للجنوب اللي لها قدر ومزايا
تمن الحدان وترد الخطية = والعدو من فعلهم كبده كوايا
وابن كدم اعطا ويا كبر العطية = ابو نايف حطم كبار العطايا[/poem]

/// سعد بن محمد بن خاطر///