[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
ياللي عليك الحشا والروح ملهوفه=يَـتَّـمت قلبي وصار الحزن ميراثه

كثرت رجاويه فيك وقلّت حسوفه=منكوب ماتنقذه حملات الاغاثه

ماينقذه غير وصلك يابعد شوفه=تنعش عروق بذكرى الوصل نفّاثه

مواصلك ينعشه ويلبي شفوفه=ومفارقك يخلفه ويغير احداثه

يميزه من يشيل السيف بكفوفه=والهندي اللى على فجله وكراثه

ليتك ترفّق على المحزون وتروفه=وتجابره في عزاه وترفع انكاثه

ماله جدى الا يصوغ القاف وحروفه=يطري له اللي مضى ويجدد ابحاثه

لاشك يصبر لو ان ايديه مكتوفه=ماينحني للمصاعب طبع ووراثه

الله يعينه على همّ برى جوفه=يَـتَّـمت قلبه وصار الحزن ميراثه[/poem]

__________________

للتواصل من هنا