هذه قصيدة للشاعر / علي مسعود علي الزهيري القحطاني
الله من هم سكن بين الاضلاع
سبايبه هجر وصدة وتطنيش
اليوم لي عامين والقلب ملتاع
والهم ينبش جرح الاحباب تنبيش
مليت من عيشة رديين الاصناع
متى يزول الهم وارتاح واعيش
شريت لي حب وانا اليوم بياع
ببيع حب الي تمادى به الطيش
الصاحب الي صد عني ولا طاع
قلب يحبه هاجر صاحبه ليش
ياصاحبي خابرك طيب ومطواع
وسوالفك تروي القلوب المعاطيش
لكن غيرك الزمن وانت تباع
وقلبك هواوي خفته كنها ريش
واليوم انا رحت من دون مرجاع
تاريخ حبك منتهي وابغي اعيش