هذه القصيدة للشاعر /علي بن محمد بن سعيدان الزهيري القحطاني وقد أعجبتني كثيرا وأحببت نقلها لكم عسى أن تحوز على رضاكم وإستحسانكم
مسافر
مســافر بكره وهــذا قـــــــــراري
خلاص طاب البال لاتحرجوني
قــــالت تعـود قلت ماني ابــداري
مع السلامة كلكم ســامحوني
يابنت انـا بــدوي وداري صحــاري
وانتم حضر وأخـاف ما ترغبوني
قالت معك وابغاك وانت اختياري
مــا أروح والله منك لو يذبحوني
قلت اسمعي يابنت هذا اعتذار ي
وانتي تساوين الذهب في عيوني
ماهو تغلي غير وضعي اجبــاري
مـــا بحتمل ذنبك وكلي ديوني
قالت على شانك سكبت العباري
والظــاهر إنكم بدوا ما ترحموني
ترى الهوى قتال والحب ســـاري
ليتك تشوفه في دمي في شجوني
لا وحسايف صــــــار نوري غداري
ما اصدق اللي صـــار لو تقتلوني
قلت الصراحه صاحبي في انتظاري
هـذي الحقيقة يالحضـر بايحوني