--------------------------------------------------------------------------------



السلام وعليكم ورحمة الله وبركاته
أحببت ان أشاركم في هالأبيات واتمنى أن تنال اعجابكم


الغيب ما يعلم لكن العقل ساس الاختراع
ليا اشتغل عقلك عرفت الناس وش فـ قلوبها
وإن كان منته مستفيد من الدماغ الا الصداع
ماغير حظ الصيدلية ما تبور حبوبها
لا صرت ما تتعب على والنعم قدر المستطاع
صدت ولفت لك ظهرها وأعطتك عرقوبها
وليا تملكت الكرم والحكمة وطول الذراع
لا تشغلك نفسك تراك أعطيتها ماجوبها
والواحد اللي لا كريم ولا حكيم ولا شجاع
مفروض يعطي ثوبه الحرمة ويلبس ثوبها


للشاعر/ وصل العطياني

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت