نبقى بني قحطان مندون تفريق *** اصل العرب ساس الوفا والزعامه
بسم الله الرحمن الرحيم
قلتها بمناسبة فوز الشاعر/ محمد بن شديد بشاعر المعنى
يالله ياوالي جميع المخاليق
يالواحد المعبود مجلل الغسامه
مانطلبك غير الرضا والتوافيق
وجمل مقام اللي يشرف مقامه
نبدا بذكرك قبل بدع الطواريق
ومن قبل لاالشاعر يثني سلامه
سلام تسليمة وفى للمطاليق
اهل الكرم والعز واهل الشهامه
اعداد ماحنت رعود البواريق
وعداد ماهلت مزون الغمامه
والبيض تبنى فوق روس المعاليق
للي وقف واوفى لنا بالتزامه
ابن شديد حقق الحلم تحقيق
خذا اللقب والسيف واثبت كلامه
ياجعل يسلم مـ البلاء والتعاويق
نسل القروم مقربين الكرامه
عواطف ٍللمجد دايم عشاشيق
والعز هم ساسه وذروة سنامه
روس الجحادر والجحادر مراميق
عدوهم مايهتني في منامه
قلته حقيقه والمواقف مواثيق
يالعنبوا رجل ٍ تراعد عظامه
لي لابةٍ مثل الجبال الشواهيق
جمع ال حازب محتمين الجهامه
من روس سنحان الفهود العواريق
اللي لهم في هامة المجد هامه
حنا لكم وانتوا لنا حزت الضيق
مانحسب بياض الزمان وعتامه
نبقى بني قحطان مندون تفريق
اصل العرب ساس الوفى والزعامه
نثبت على البيدا كما النير وطويق
وشموخنا ثابت ليوم القيامه
وسلامتكم