قصيده للشاعر قمشان العاطفي رحمه الله
بسم الله الرحمن الرحيم
قمشـــــــــــــــــــــــان بن فيصـــــل العــــــاطفي
ترا الرفقة اللي مال ميزانها تنهد
تحصل خسايرها وتفقد فوايدها
بيت جميل من قصيدة أجمل للشاعر: قمشان بن فيصل العاطفي رحمه الله، فبالرغم من أنه بدوي ، إلا أنكم ستلاحظون جمال التصوير، وسلاسة وسهولة الأسلوب في قصيدته التالية والتي لا أملك حيالها إلى الاعجاب ولن أقطع عليكم تسلسل القصيدة بتشريحها.فيقول عليه رحمة الله*
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أنا البارحة تقزي عيوني من المرقد = وقلبي وقف وقفة عيوني وساعدها
وأنا كان اجامل ياعيوني معك واجحد = وانا خابر نقص الدعاوي وزايدها
تماديت في كتم الخوافي وباح السد = ولا لي بهينها ولا ادركت كايدها
أغوض البحور وعارف جزرها والمد = وسود الليالي فجر الأيام يبعدها
مضابي ثلاث سنين مع مثلها وازود = صبور على زلات الأصحاب واجحدها
وإذا جيت احمل لي على حجة واجد = وقف لي رفيق السو ضد وعقدها
وأنا والله اني ما رضيت الخلل في البد = وأشوف النفاق وكثر الأشوار بددها
وترا الرفقة اللي مال ميزانها تنهد = تحصل خسايرها وتفقد فوايدها
إذا صار ميزان العميلين ما يركد = ترا الغش يدخل للعمالة ويفسدها
وعلى نصل مجملها ثبت نقصها المفرد = وصار الخلل فيها من أقوا قواعدها
وإذا صار به شخص تعزه وقف لك ضد = لزوم من الموضوع رجلك تقيدها[/poem]
رحمة الله عليك يا ابو فيصل شاعر اطالب الجميع بقراءة اشعاره لانها نبعت من قلب شجاع وصادق
ولكم الشكر والتقدير