إبـن جـــدلان يـمـدح الـشـيـخ/ سـعـود الـصـخـابـرة
السلام عليكم ورحمة الله وبركاته ,,,
هذه القصيدة كتبها
الشاعر الكبير/ ســعــد بــن جــدلان الأكــلـبــي
فــــــــــي
الشيخ/ سعود بن محمد بن عواد الصخابرة
أتمنى أن تعجب الجميع
راكب اللي كن كبوته مـن أصطبـه مدنّـا
أطخم من ثقل ماطـوره تهيـزع مقدميـه
كن خشمه لا نطحك و جاك منا و أنت منّـا
خشم وضحا ساقها المتعب على خاله خويه
من طرف وضحٍ من التنهات لا روضة مهنا
ما عليه إلا العمـد و الحلقتيـن الفيصليـه
سايقه لا ما تناوش مقـوده بالخـط غنّـا
كن جلـده لا نهمتـه جلـد همّـال برديـه
في عروق الصلب مثل السفن في رحلة فينّا
لا نطحته تحسب إن نوره تعـدى الجاذبيـه
لا خذا غربي طريق إنكاس و بيـوتٍ تبنّـا
أنصا قصر صوب غرناطه كبر هضبة طميه
أقلط بقصرٍ كبيـر مـن قلـط فيـه يتهنّـا
عند بو تكفى و بو جود اليميـن الحاتميـه
لو تجيه و تنشده وين هل تكفى قـال حنّـا
حنّا هل من قال تكفى اليوم و الصبح و قفيه
أنجلو عشاق تكفى و أبشروا باللـي تمنّـا
ما بقى منهم يا كود سعود أبو الأحمد وزيّه
الأمير: سعود بـن عـوّاد مزبـان المجنّـا
لا أنتهت منه الفزوع و غلقت منه الحميـه
يا سلايل مشبعين السيف و العرق المحنّـا
و أهل طرم ما تهرج غير بأسبـاب المنيـه
و الله إن البيض لك في كل مرقـاب تبنّـا
و إنك من الأولين بـدول صـب الشاذليـه
خيرك السابق علينا و أقبل العرفـان منّـا
بيض تنشرها "عيال كليب" فـوق الزايديـه
و إن تجاهلنا عسى ربي يشيل العـز منّـا
دام نجم سهيل حي و دام عين الشمس حيّه