[poem=font="simplified arabic,7,black,normal,normal" bkcolor="transparent" bkimage="backgrounds/27.gif" border="double,6,orange" type=0 line=0 align=center use=sp num="0,black""]

عزاه ياقلبٍ حريحٍ ومنضام=زادت غليه صروف وقته جحيمه
الآدمي والوقت يمشون بزمام=بأيدي ليال في خطاها هميمه
وهموم صدري والحزن ربع واعمام=وافراح قلبي عاد منها يتيمه
وشلون صارت لذة النفس الآلام=والجو داخل به عجاج وغيمه
مالي جدا غير التوجد بالأسقام =ما عادلي بالحال صبر وعزيمه
علم دهانا لعالي الصخر قصام=فجعت فراقك في زميلك أليمه
يالله ياللي للخفيات علام=القبر تجعل فيه روضة نعيمه
يا أحمد عساك لجنة الخلد بخيام=يرفعك ربي فالجنان العظيمه
و بالصبر يالله تربط فؤاد عزام=وامه مع اجداده بقو الشكيمه
تعرض لي الذكرى كما عرض الافلام=باح العزا وآهات قلبي مقيمه
الناس ما تخبر على كبر الأجسام= وكبر الرتب لصغار ماهي جسيمه
اليا استوت الاموات في قطعة الخام= ماتستوي الاحياء بطبعٍ وشيمه
الدرب ينحي بي على بعض الاصنام= وياكم صنم مافيه عفه وقيمه
سبحانه اللي يعلم قلوب الاخصام=بعض البشر علة نحر مستديمه
اهل الكرم لو تملك المال خدام=والمال يملك له رقابٍ لئيمه
داخل ميادين الدفاتر والاقلام=امجاد سيف النصر صارت هزيمه
واللي شكا للناس من جرح الايام= باكر جروحه للحوايم طعيمه
ناقص وفاهم بينٍ مابه أوهام= والفقر صاب الصدق سينه وجيمه
كبوة جوادك تفرح عيون الأقزام=أهل السيوف الحاكله والقضيمه[/poem]

__________________