رد : كيف أسلم القصمان ..
اقتباس:
الكاتب :
آل معمر 
يقول لك كان ابوصالح جالس مع ابوخالد بعد صلاة العصر يسولفون ويقطعون الوقت .....
تنهد ابوصالح وقال: افكر في هالدين العظيم اللي طلع من مكة المكرمه وصل الى اخر الدنيا!!! قال
ابوخالد: ايه والله انك صادق يا بوصالح، قال ابوصالح: بس لايهمونك دين اهل اسيا الوسطى واوربا
والله مالهم من الاسلام الا اسمه!! رد ابو خالد: والله انك صادق يا بوصالح! واضاف ابو صالح والا
دين ها الشوام والله دينهم ماهوب اللي انت تبي يا بو خالد!!! فرد ابو خالد: والله انك صادق يا بو
صالح!! قال والا هالافارقه والمصاريه والسودا نيين متصوفه مبتدعه ماهوب والله هم والاسلام
ولايف!!! قال: ايه والله يا بوصالح انك صادق!! قال ابوصالح ان بغيت الاسلام في ها الديره (السعوديه)
، قال ابو خالد: ايه والله انك صادق يا بوصالح!! فرد بتنهد ابو صالح: والله ماهوب دين كل اهل هالديره
على اللي تبي يا بو خالد!! اهل الجنوب اهل بدع وزيدية واسماعلييه مالهم من الدين الا اسمه!! قال
ابو خالد: ايه والله انك صادق يا بو صالح!! واضاف ابوصالح: والا اهل الشرقية رفضة وشيعة والله ما
خذوا من الاسلام الا اسمه!! واهل الحجاز مبتدعة صوفية ماهوب والله اللي انت تبي يا بوخالد!!
واضاف ابو صالح: ان بغيت الدين والله في نجد والباقين خلهم على يسراك (شمالك)!! والله انك صادق
يا ابوصالح!! اضاف ابوصالح: والله بعد ماهوب كل اهل نجد دينهم على اللي تبي!! اهل الرياض واللي
حولها شرابين للتتن ويشوفون الدش والله مادري عن دينهم يا ابوخالد!!! لكن لابغيت الاسلام تراه
عندك بذيا بالقصيم!!! رد ابو خالد: والله انك صادق يابوصالح!! فاضاف ابوصالح والله ماهوب كل اهل
القصيم دينهم على اللي انت تبي اهل عنيزة واللي حولها يبيعون التتن ويلبسون كبك والدشوش مليانه
بالسطوح!!! ان بغيت الدين والله تراه بذيا عندك ببريده!! رد ابو خالد والله انك صادق يابوصالح!!!
واضاف ابوصالح والله ماهوب دين كل اهل بريده على اللي انت تبي!! طلعت هالاستراحات ومايندرى
من اللي يشوف الدش ومن اللي مايشوفه ان بغيت الدين كما انزل ترى في حارتنا بذى!! قال والله انك
صادق يا ابو صالح!!! قال والله بعد ماهوب كل اهل الحارة على اللي انت تبي اشوفهم يسحبون رجليهم
للمسجد تقل انهم مغصوبين على الصلاة!! والله مابوه في الحارة الا انا وانت يابوخالد!! رد ابو خالد :
والله انك صادق يابوصالح!! اضاف ابو صالح: والله اني اشوفك مانتب تخشع في الصلاة يابوخالد .
خطيييييييييير يآل معمر
لك مني حبة خشم ياكحيلان
__________________
لاغدا للمدح من بين خلق الله مجال @@@@@ والرجال تعد فعل الرجال وطيبها
قلت أنا لي عزوةٍ راسين مثل الجبال @@@@@ والعلوم الطيبه كلها يحري بها
من رجالن تلطم الضد وتعز الرجال @@@@@ يوم مظلمة الليالي يصوت ذيبها
إهداء للأخ العزيز / سعد القحطاني