رد : الشيخ علي الفويه...والشيخ علي الفريح...وحوار شعري...
قصه جميله ونعم بالمذكورين كلهم ولا هنت على نقل السالفه
وبني واهب ونعم وعبيده ونعم
يقول الشاعر غازي ابن عون العتيبي
بني واهب طفلهم عقب عشر من الفطام .... يشاف في وجه ندى الجود لو توه وغيد
بالمناسبه الفوهه ..بالأصل .. ياميه عجمان
يقول مذكر الفويه بعد وفاة اخيه مناحي في حرب الحديده
لمناصرته للامام فيصل ابن تركي :
نبغى نجدد بالحديـده صباحـي ..... والضبعة العرجا نرهي عشاهـا
ونبغى نجيهم بالنقـا والبياحـي ...... عاداتنا نعطي القبايـل جزاهـا
واصيح وازهم في عيال الفلاحي ......دعوى بني واهب سعد من نخاها
حنا كرام ولانحـب الشحاحـي ......من نسل عجمان تروي شباهـا
والشيخ والفارس شويل ابن ملهي يقول في احدى قصائده رحمه الله :
طير السما تكسر على العدوان ......خذوهم العجمان في الـردات
كله لعين النصر فـي شبنـان.......والنصر في الدنيا من اللذات
منهم ناصرابن بديع الفويه ويلقب (خيال الصفرا) له بيت من الشعر يدل على شجاعته وفروسيته المنقطعة النظير حيث يقول عندما سمع بصوت صايح يصيح ذات ليل
يالله عسى الصايح وكاد ..... ماهو بصايـح عافيـه!
وسلامتكم