[poem=font="Simplified Arabic,5,black,bold,italic" bkcolor="transparent" bkimage="backgrounds/6.gif" border="solid,4,gray" type=0 line=0 align=center use=ex num="0,black"]
=سعيد الفهري

مرحبا بالشاعر اللي له من اسمه نصيب = الاسم خولان والتسمية يازينها
هضبة الجولان في سوريا ماهي قريب = هضبة ماكبر حصاها ومصفى طينها

=خولان بن عامر

البقاء ياللي ترحب ولا في الاسم عيب = ابك هذا الاسم راس العرب ويمينها
لاتجي في سوريا قبل راسك مايشيب = الجبال جبالها واهلها حامينها

=سعيد الفهري

كنت لابس جلد نمر وتحول جلد ذيب = الجلود الاولية ورا مخفينها
علموا خولان بالذيب في وسط القليب = قبل مايمسح ظهرها ويلطم عينها

=خولان بن عامر

أنتبه للنمر والذيب وأفهم يالحبيب = امش من ضمن العرب خل دينك دينها
لاتدور في الملاوي يجي شيً غريب = العرب ماغرها زينها من شينها

=سعيد الفهري

لو ما طاحت حجارة من السد القطيب = كان رعيان البدو ذودهم مروينها
الشباب وهمها النوم والغصن الرطيب = العجيز حبحبتها تحت سكينها

=خولان بن عامر

سد مآرب هده الفار يابدر الغريب = جر صوتك وعرف ان العرب موحينها
مالك ومال العرب جيب ولا لاتجيب = مانت رب الناس حتى تجي وتعينها

=سعيد الفهري

أنتحر ميتين مصري لموت العندليب = يحسبون ان الاغاني وقف تلحينها
الدعا مخ العبادة وربك يستجيب = أعتقد جمله مفيدة وجت في حينها

=خولان بن عامر

ذي قديمة وانت شاعر يابو قلب لبيب = خلها لاهل الحواري وخلك بينها
اثركم ياهل اليمن زادكم كلها زبيب = والبيوت من الخصف في الجبل بانينها

=سعيد الفهري

انت نايم والمصلين تسمع للخطيب = خطبة الجمعه من احكامها ناسينها
ياهل الصومال ماعندكم رشفة حليب = والعرا فاجسامكم والشجر كاسينها

=خولان بن عامر

لاتبرى مانت منها بري والله حسيب = الحروف اللي على نيتك قارينها
امرح امرح في دهر والمدى خلها طريب = المغازي خلها انت وينك وينها

=سعيد الفهري

الله يعينك تدور على وسم الذهيب = فوق ددسن يتعب السايق بليتينها
المغازي لابن مفلح ماهي شي غريب = العدا من قبل تقبض يدك كاوينها

=خولان بن عامر

من سمعك يقول جبت الغزو من تل بيب = تحسب ان القدس متقاضي ياسينها
مير تاخذك العداء بين حيد وبين هيب = اعرف ان اغلب هل الصين في بكينها[/poem]