هههههههههههههههههههههههههههههههه
اما تعريفك للدافور سبب لي انتفاخ في البطن من كثر الضحك
الله يرج سموكم الكريم
كلهم يهونون الا الدبوس
كيف تكفش الدبوس تلاقيه يحوم عند غرفة الوكيل وقت الفسحه
وتقول له وش عنك يا فلان؟
يرد عليك بان ابوه راح يجي
لعن ابوه كل يوم يجي ابوه المدرسه
اما العرابجه فحدث ولاحرج
انواع الفله والخبال
اذكر مره من المراريت جلست في الصف الاخير
وكان ايامها حررررررررر مع رطوبه والمكيف الله بالخير وفصل كبير ما يغطيه مكيف واحد طبعاً زي ماتعرفون مدارسنا مبانيها على احدث المواصفات العالميه (ايجار)
واقول في نفسي يا الخفاش وش رايك تلطف الجو شوي
فكرت
فكرت
فكرت
طلعت بفكره اخيراً
طلع المدرس من هنا واخوكم الخفاش مافيه الا يمسك قلم السبوره وهاتك يا رسم على الجدار
وارسم لكم ذاك المكيف في اخر الفصل
طبعاً اخوكم في الله كريم
خليت المكيف اربع وعشرين وحده عشان يبردون الشباب صح
ما خلصت من رسم المكيف الا الشباب يقولون يا الخفاش قصر على البروده ترى ذبحنا البرد
توقعت انهم يستهبلون بس صحيح طلعوا بردانين من جد مو من المكيف
من الخوف
لان مدرس الرياضايات كان واقف وراي وكان ضخم الجثه يعني الي يقول انا رجال يحارشه بس
لقيت لي ضربه على القفى مع شويت تهزيئ
لكن بعد رسم المكيف لقيت له اثر ايجابي على نفسيات الشباب بعد ماكانوا يعانون من الحر
لانه بالفعل لطف الجو بالتعليقات والضحك وكل ما دخل مدرس ابدى اعجابه بالرسم
وبكذا حليت لهم مشكلة الحر
لك تحياتي اخوي حدباء قذله