~ ساعة وصلنا على المفرق ~
بسم الله الرحمن الرحيم
السلام عليكم ورحمة الله
قصيده من كلمات شاعر الجزيره العربيه
الشاعر علي بن محمد القحطاني
ساعة وصلنا على المفـرق=عرج على شاطي الراحـه
قلت البحر هـاج لاتغـرق=لاتحسب المـوج طراحـه
قال اركب اليخت والزورق=قلت العـرب قـوم سباحـه
قال البحر بير قلـت اعمـق=ياويـل والله مـن اجتاحـه
قال البحـر حلـو نتـذوق=قلت البحر زايـد املاحـه
قال اتـرك النـاس تتفـرق=قلـت المخاليـق فضاحـه
قال القمر يوم جيت اشـرق=قلنـا يبـاريـك فالسـاحـه
قال السماء عز قلت اسبـق=قال السمـاء ويـن مفتاحـه
قال اعشق الموت قلت احمق=من لاسمع شـور نصاحـه
قـال المخالـيـق تتسـلـق=جبـال للغـيـم نطـاحـه
قلت اجنبي طـاح مانشفـق=ولانحـسـب لمـرواحـه
اما انـت ياحالـي المنطـق=عليـك الارواح شحـاحـه
قال اعطني رايـك المطلـق=قلت اسلب البلبـل اجناحـه
والاامسـك النجـم واتعلـق=نص السماء حط مرجاحـه
خلك هنا فالسمـاء تـرزق=والناس فـالارض فلاحـه
قال البشر فالسمـاء تعشـق=هل انجـم الليـل مزاحـه
قلت البشر فالسمـاء تغلـق=والبر ضاقت بـك افياحـه
قلت السماء الخارجي مغلق=والبرضاقـت بـك افياحـه
والبحر مهلك محيـط ازرق=عقب السماء وانت سواحـه
التعديل الأخير تم بواسطة الـهـامـور ; 09-04-2011 الساعة 04:22 PM