[poem=font="Traditional Arabic,6,black,normal,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]

الخوي اللي بحزات العسر مافيه خير=وش نبي به في ليالي اليسر وايام السعه
اتركه لارحم ابيه وجنبه ولا تحير=مانفع وقت اللزوم فكب دربه وأقلعه
اشهد ان بعض المواقف تبين وش يصير=تفرق الرجال عن غيره وتظهر مصنعه
والمواقف مدرسه تجمع كبيرٍ مع صغير=تفرق جموع غثيره والشتات تجمعه
لكن بعض المواقف ليتها تبطي تسير=خص مع خوة نشاما(ن) المعادي تقمعة
علمتني صدوف بقعى ولا ني بالكبير=لكن الدنيا الدنية لا معاك ولا معة
ومثل قول الشاعر المعروف بالوقت الأخير=قالها قبلي خلف هذال للي يسمعه
حيث لايعلم ولايدري بخافيه المرير=تدرج الأيام مفتول الذراع وتصرعه

وسلامتكم
مع التحية سعيد الخزماني[/poem]