السلام عليكم ورحمه الله وبركاته

هذه القصيده مهداه الي الشيخ {فهد بن محمد الهماش}

اهديها لكم في هذا الموقع العزيز على قلبي .





[poem=font="Simplified Arabic,5,black,bold,normal" bkcolor="white" bkimage="backgrounds/24.gif" border="double,6,black" type=0 line=0 align=center use=ex num="0,black"]


جيت الرياض وعاني للمطاليق=وفي خاطري تسعه وتسعين نيه

تلف قلبي من علاوي المعاليق=لف الهو رؤوس الغصون النديه

اتعبت نفسي واطلب الله التوفيق=ياالله بحظ زين صبح وعشيه

يا ضامن الارزاق رب المخاليق=اطلبك يا ربي جزيل العطيه

انا من الهاجوس لاصحى ولاافيق=لاكن نصيت اللي يحل القضيه

نصيت شيخ ينعرف حزه الضيق=فهد فهد راعي اليدين السخيه

شيخ على شانه نظمت الطواريق=وعنيت له واسندعليه الشكيه

سجلتها من محكمات الصناديق=وقدمتها له من ضميري هديه

يابو محمد يازبون الملاحيق=يامكرم الضيفان في كل جيه

في مجلس ماينغلق بالمغاليق=فيه الشحم والعود والشاذليه

لك مع هل الطاله عهود ومواثيق=وسمعتك حتي في الدير الاجنبيه

انته وربعك للمراجل عشاشيق=جحادر تارد لحوض المنيه

ياذخرنا حنا لشوفك مشافيق=وشوفتك عيد مثل عيد الضحيه

واليوم انا جيتك ودوب الضعن سيق=أشكي عليك من الحظوظ الرديه

جيتك من ديار سقتها البراريق=من الجنوبيه لنجد العذيه

ياشيخ انا من الوقت لااقدر ولا طيق= وحمل المراجل كلبوها عليه

حلمي وظيفه غير مافيه تحقيق=وفي كل يوم ناصي لي نحيه

ولاذكرت الا انت لي نشّف الريق=افزع معي فزعه خوي لخويه

انت الذي تفزع ولا فيك تبريق=افخر بفعلك وارفع المعنويه

وان ماذكرنا موقفك حزه الضيق= والا علي الدنيا واهلها التحيه[/poem]


هذا وسلامتكم واعذروني جميعا علي قله تواجدي معكم والحقيقه الهماش وقف معي وقفه

تبيض وجهه ولا انسى موقف هذا الرجل مادمت حي