[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

دوجت بالسوق من حده إلى حده=ما شافت العين مخلوق يجوز لها
عيني من أهل الهواء التالين منسده=وبعض الأزاويل قلبي ما يلد لها
والديره اللي حلاها راح من مده=خلها على جنب جعل القوم تنزلها
واللي كشف سدها ما حد كشف سده=والرابح اللي بعيد عن مشاكلها
كيف الولد يمشط القذله على خده=ويمكيج الخد وثيابه يطولها
ويعد نفسه وهو ما كمّل العده=كنه هنوف تدور من يغازلها
ويعاند ( الأم ) ويزعّل ولد ( جده )=وله عيشة مادري وينه يحصلها
تلقا صحيفة ردي الحظ مسوده=وأيضا بعد حاجة ماني بقايلها
وان جا بيطلع جليس السوء يرتده=مجالس السوء صايدته حبايلها
والمشكلة عادها للبنت ممتده=بعض العذارى خبيثات دلايلها
تمشي على موضة أعظم من الرده=وتجوب الأسواق وأبوها مهملها
متبرجة وأمرها ما هوب في يده=أطلق رسنها وراحت مع زمايها
من الذهب لا المباسط هده ورده=واللي تريده تقابله ويقابلها
تسرح وتمرح بسوق فايح نده=واليا أنتها السوق تلقا من يوصلها
شي تعدى حدوده وأنقلب ضده=يستنكره عاقل العالم وجاهلها[/poem]






ابيات رائعه صح السان الشاعر