[poem=font="Arial,5,darkred,normal,normal" bkcolor="transparent" bkimage="" border="none,medium,gray" type=1 line=1 align=center use=sp num="0,black"]
تحيزم يالهجوس الي غدى له مدةٍ ما قال=قصيدة تطرب الشاعر ويطربها بمواله
نبي نرقى مدام النايفات بذا المكان طوال=وأنا بتعب على الخطوه مدام القوم خياله
عسى ذا الوقت ما يجمع رجال الطيب بالجهال=ومدام ان الكريم معان فالايام حباله
عسى ربي يجمل من سعى فالطيب حتى نال=بياض الوجه والتقدير واكرام اللحى فاله
جمعنا ع المحبه والرضاء والصدق والأمال=وعلي بعد المسافه صارت الخطوات رحاله
علي درب المحبه يابني عمي ولا ع البال=تجمعنا على وضح النقاء والطيب والطاله
تجمعنا على علمٍ ينومس والرجال جبال=تجمعنا وكلن من غلاه يجدد آماله
بنى عمي ليا من زان حظ الوقت والا مال=رجال في نهار العز كلن طوح عقاله
بني عمي نهار الضيق تضرب فيهم الامثال=مقاديم الرجال وكل منهم زاد مكياله
بنى عمي مطوعه العصاه بطيب والا ذلال=بنى عمي بنى عمي هل العادات والقاله
تربينا على سلم الرجال وعادت الابطال=فلا فينا ضعيف ولا قصير يدين وامثاله
تربينا على علم يجملنا بكل احوال=نزبن من دخل في حدنا ونرجع امواله
تربينا على صدق النوايا لو يجور الحال=لصغير السن حشمه والكبير نكرّم سباله
شربنا المرجله والعز فنجال بعد فنجال=ولامن الزمان اقفي نفز ونشرب دلاله
الا حنا عبيده متعبين الخيل والخيال=معربه العرب والضيف ما قد قصر فنجاله
الا حنا عبيده رؤؤس قوم والرجال افعال=كسبنا المدح ونخايل لنجم سهيل وهلاله
الا حنا عبيده فالزحام إن جيك حال ومال=فلا تقصير هقاوينا لو الايام مياله
وحن من لابه بالحق تشبه رجفه الزلال=مغاويرٍ مناعيرٍ ودرب العز نسعى له
قحاطين لنا تاريخ لامن صوتوا يا رجال=نجيك نجاوب الفزعه وكلن قدمه عياله
قروم ن جارنا ينعم بخير وعز وطيبه فال=وحوش ن ضدنا خلوه يقصر شره اشواله
ونعم وما على باقي القبايل زود شرع وحال=وهم وافين ثم وافين / كل ٍ نذكر افعاله
تحت حكم المليك اللي بنا فصدورنا تمثال=ابو متعب صليب الراس دام الشعب فـظلاله
عطيناه الولاء والعهد وزاده بالغلا مكيال=عطيناه المحبه ثم عطنا حاله وماله
وانا خادم بني عمي صغير القوم والعقال=اخذت من البحر عمقه واخذت من الصبر جاله
رزين وما على القلب الشقى حيله ولا يحتال=غليض لابغى الشده عقلها واعلن اجزاله
فلامن قيل ابن سعران غني واطرب الموال=فعبيدي والعبيدي ما اذكر انه قد رخص حاله[/poem]