http://www.youtube.com/watch?v=Z3I-5...layer_embedded

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حسيـن بـن شتـوي الحبـابـي



الاولـه مسـاءكـم الله بالخـيـر = والثانيـه سـلام واثنـي سلامـي

قم يابن شائق ياحبيـب الجماهيـر = ياشاعر فـي الملعبـه مايضامـي

عـبــدالله بـــن شـايــق
الاولـه يامرحبـا تـوك صغـيـر = والثانيـه بكـره تمـام التمـامـي

هذا شهاده منك ماهي مـن الغيـر = وعقب الشهاده منك نبغي وسامـي
حسيـن بـن شتـوي الحبـابـي

انا صغير واعرف الشـر والخيـر = وانـا احمـد ماتنافـظ عضـامـي

اقـدرك ياراعـي الطيـب تقديـر = وانا ادري ان خبرتك خمسين عامي

عـبــدالله بـــن شـايــق

سود الليالي جعلهـا لـك مسافيـر = انت تحـب النـور والا الظلامـي

صوتـك يذكرنـي بعبـدالله العيـر = وثقلك يذكرنـي رشيـد الزلامـي

حسيـن بـن شتـوي الحبـابـي
سود الليالي ياعساها علـي الغيـر = نبغي الحلال ولا نحـب الحرامـي

انت تشجعنـي ولا جـاك تقصيـر = وانت حزامي يوم شـد الحزامـي

عـبــدالله بـــن شـايــق
ياعنتر العبسـي وياسالـم الزيـر = خلك علـي ماقيـل حـر قطامـي

لا تا كل الحرجه ولحـم الخنازيـر = صل الصلاه وصوم شهر الصيامي

حسيـن بـن شتـوي الحبـابـي
اللي ذكرتـو هـم رجـال مناعيـر = واللي هرب منك يعـاف المنامـي

الحر الاشقـر مايصيـد العصافيـر = وانا مع اهل الطيب بارفع مقامـي

عـبــدالله بـــن شـايــق


حنا نحطك بين الاسماء المشاهيـر = والله علـم يامفسريـن الحلامـي

وايش رايك نعلمك بعض الخوابيـر = نقلطـك للـراس والا السنـامـي


حسيـن بـن شتـوي الحبـابـي
فكرت في معنـاك فكـرت تفكيـر = وادركت معناهـا بخبـره نظامـي

دامك كذا بنزل الدلـو فـي البيـر = يامحترم بالعـب معـك باحترامـي
عـبــدالله بـــن شـايــق

مايبلش السباك غيـر المواصيـر = حمـى تهامـه جبتهـا يالتهامـي
المـعـذره ياقابلـيـن المعـاذيـر = انا بـرى مـن الخطـأ والملامـي

حسيـن بـن شتـوي الحبـابـي

ماريح الزعـلان غيـر القواريـر = يالعاطفي بيجيكـم الامـر سامـى[/poem]




محاوره جميله وقويه بالرغم من صغر سن الحبابي

لكن يشهد الله ان ابن شايق تنباء بقوه حسين

وكان راي ابن شايق في محله

جعلني ما ابكييك يابن دواس علي الاختيار