رد : هية بين ال عاطف ويام وثارهم للشيخ الفارس مناحي بن جرمان بن عويضه بن سعيدان .
عنبر الجحادر حياك الله بين اخوانك ،،،
كلامك على متمه يا طويل العمر ،،، البيت اللي انت ذكرته
خله يذوق الموت يا حبشان_مات بذبحتكم لشبيب
اسمح لي بتعديل بسيط على موضوعك الشطر الثاني للبيت اللي ذكرته فيه غلط في الشطر الثاني والصحيح
خله يذوق الموت يا حبشان_خذا جزاه بذبحته شبيب
ذيب بن عبود الله العالم انه هو من قتل شبيب بن حجنه وليش العكس وقام الخنافر ايضا بقتل اخو شبيب الجنه (شباب بن حجنه)
وانا ما شاركت لابين القاتل والمقتول ولكن ابين ان ذيب بن عبود توفي (بسبب مرض اصابه) والدليل عندي/
ابيات حبشان الفهري اللي يقول:
يالله اعلم يا نجمة الهودان_يالله اعلم ويش سوا ذيب
ان كانه وجع فانا وجعان_وافرح لامنه مشى بالطيب
وان كانه لحق بابن جرمان_فتقمح مشعثرت السبيب
ابيات الفهري القحطاني دليل وااااااااااضح ان ذيب ابن عبود توفي بسبب (وجع) مرض اصاب بن عبود،،، وقد اوشك ذيب بن عبود على الشفاء منه ولكن انتكس مره اخرى وتوفي بسبب المرض ودفنوه ال مسعود عند بير (ثملا) بالقرب من بيشه وخلوه،،، وعقبها بفتره حوالي 4 شهور او 6 شهور مرو ربعه ال مسعود والخنافر واللي معهم من الجحادر على قبر ذيب بن عبود فوجدو الذيب نابش وحافر القبر (قبر ذيب بن عبود) فقال راشد بن معديه ال قير الخنافر هذه القصيده يرثي فيها ذيب بن عبود:
شدوا صلاة في هوا شمخ النيب_وخلو على العد المسمى بضاعه
يا ذيب انا باوصيك لا تاكل الذيب_كم ليلة عشاك عقب المجاعه
كم ليلة عشاك حرش العراقيب_وكم شيخ قومن كزته لك ذراعه
شمخ النيب=اسم جبال قرب بيشه
العد المسمى=بير ثملا
ولاهنت يا عنبر الجحادر على توضيح الحقيقه ،،،