[poem=font="Simplified Arabic,6,black,normal,normal" bkcolor="transparent" bkimage="backgrounds/6.gif" border="double,5,orangered" type=0 line=0 align=center use=ex num="0,black"]
يا راكب اللي ما لهجها الحوارا = من جيش إبن ثاني تفج الفيافي
ركابها لولا الرسن كان طارا = إليا رفع عصاه جاها اخفافي
من عرض منكبها يداها تبارا = ومع دربها يطربك حذف الاثافي
إلها ثمان سنين عقب العشارا = وإلها ثلاث أيام عقب العسافي
من كبر ماطاها يطير الغبارا = ومن سرعها تقول جايه سوافي
صفراً تحامرها عريضة فقارا = شرف(ن) مسامعها سوات الشلافي
تسرح مع الغبشه وتالي النهارا = في هجرة إبن دليم حسب الوصافي
ملفاك رجل(ن) ما يحسب الخسارا = معيض إبن دشن زبون الكلافي
هذاك حر(ن) من مواكر حرارا = ما يسكن إلا فالجبال النوافي
في مجلسه تلقى الوجيه السفارا = وتلقى الصواني تعتقب بالهرافي
وتلقى ثمان دلال وسط الوجارا = وتلقى حجاج منطلق وأنت لافي
منهن ثلاث(ن) جاهزه بالبهارا = وباقي الثمان اتشوفهن باصطفافي
وبالمطيبة عود(ن) عليكم يدارا = أنا أشهد إنه فالمواجيب وافي
ثم انتظر عدة دقائق قصارا = وعطه الكتاب اللي معك يالسنافي
وليا نشهد عن حالنا كيف صارا = قله ترانا ما علينا خلافي
إلا إن أبو ماجد عيونه سهارا = نومه على كوعه ودمعه ذرافي
إليا استدار النجم معه استدارا = ويدق به هاجوس صقر النصافي
تاره على يسراه ويمين تارا = خطر(ن) عليه من الفراق إختلافي
من مهرة(ن) صفراً تقود المهارا = مرت عليه العصر والبال صافي
بغت تشيله مير عنها تدارا = وأمسى من سهوم الحبيب مشافي
ادخل يده للقلب جوا الستارا = وتلت معاليقه بليا ارتيافي
ماله حلي في البدو والحضارا = ولاله حلي في ساكنين الشعافي
ولاله حلي في بلاد النصارا = واللي يزورون الحرم للطوافي
العين عين اللي يصيد الحبارا = والخصر ناحل كن جايه جفافي
وإلها ردايف كنهن الزبارا = فلت عليهن الظفاير لحافي
وإلها عيون نجل فيهن حوارا = ومثل البرد بيض(ن) ثمانٍ رهافي
وصدرن ليا صكت عليه الزرارا = صكت على كاسات صين(ن) مكافي
والساق مدمج والمواطي صغارا = بالزين هو والعقل وايضاً العفافي
رب العباد مكمله بالوقارا = ماهي من اللي فالشوارع تشافي
لو يجمعون البيض للاختبارا = يصيب مالكت الجمال ارتجافي
هذي تواصيف الغضي باختصارا = هذاه بعض الشي والزود خافي
يا صاحبي في مهجتي شب نارا = ما تنطفي لو جو جنود المطافي
ابا اتصبر وانتظر للقرارا = ون ما حصل لي صاحب واحسافي
وصلوا على المختار عد الحجارا = واعداد من يمشي على الارض حافي [/poem]
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وهذا الرد للأخ الشاعر مشعان الروقي =[/poem]
[poem=font="Simplified Arabic,6,black,normal,normal" bkcolor="transparent" bkimage="backgrounds/6.gif" border="double,6,deeppink" type=0 line=0 align=center use=ex num="0,black"]
يا الله يا مغني أيدين الفقارا = يا واحد كتاب رزق الضعافي
يا منجي ذا النون وسط البحارا = وياللي شفيت أيوب وأنت المعافي
أغفر صغار أذنوبنا والكبارا = في ساعة فيها قضى وإنتصارا
جتني تماثيل عليها أعتبارا = مشعان مرسللي بيوت إنضافي
وجتني بنات الفكر صف(ن) تمارا = شرايد أفكار(ن) ما فيها عجافي
يا راكب اللي وردوه بقرارا = واحد ثلاث أصفار حجمه إخلافي
فياقرا بنز(ن) عليه الشعارا = وإليا مشى من سرعته ما يشافي
لادق سلفه سائقه واستدارا = تمر به شغال تحسبه طافي
ترنيدو(ن) لا وقعت فالمطارا = كنه يلاعبها هبوب الشعافي
آخر نتاج العلم والإبتكارا = خلاصة أبحاث إعلما وأكتشافي
سلام أحلى من حليب البكارا = مثل العلاج اللي للابدان شافي
اللي رعت زملوق عشب الخضارا = صرح(ن) قوايمها وقطما الخفافي
اخذو جوابي يا طوال العمارا = ودوه للروقي عسى الرد يافي
ربع مثل عد(ن) رهوج قرارا = ريف(ن) على طول الليالي مضافي
أعتيبة الهيلا تفك الحصارا = يروون حد مفتقات الرهافي
لا جا نهار(ن) فيه صوت المثارا = يصير في فعل الرجال أختلافي
أحد(ن) يدور للذرا والمذارا = وحد(ن) تقدم للخطر ما يخافي
أما هزايم قوم ولا إنتصارا = وما فيه جفن في حلا النوم غافي
لو با تعذر ما يفيد إعتذارا = ومشعان ما يحتاج مني سعافي
با ديرها لو كانها ما تدارا = وبرسل على قاف الخبير اعترافي
ونت أعتبرها رد ولا مجارا = وعند العوارف ما تشيب القوافي
ولو تطول الوقفات والانتظارا = الرٍجل معكم ما تمل الوقافي
ياللي شكى من حب طبي القفارا = انته سمعت بحب شيمه إوافي
والحب يا مشعان ماهو بعارا = كم واحد قد حاف قبلك وعافي
أهل المحبه كلبوهم حيارا = وشلون أعلم عبقري ثقافي
ومشعان جا ما بين نار(ن) وغارا = وانا أشهد إن الحب سم زعافي
وأنته لعبك حب ظبي العفارا = وتقول حبه مسرف(ن) بي إسرافي
ظبي على صوت القنوص استذارا = عفرية حذر(ن) خطاها خفافي
حذر(ن) من اللي يحفضون العيارا = ون شافت القناص راحت مقافي
أصبر على الدنيا لو الوقت جارا = ويالله عسى ستره على الناس ظافي
وتذوق طعم الحلو عقب المرارا = وتلتف في ثوب النعيم إلتفافي
وأنشد إرجال فكرهم مستنارا = وقلوبهم ما غلفت بالغلافي
لا بد تلقى شايب مستشارا = واللي لقاه من التجاريب كافي
ويخيرك في الأمر ولك الخيارا = إما مفارق ود ولا ولافي
وعندي على بدع البيوت اقتدارا = وباأختصر وقبل مع العذر قافي [/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]