رد : قصيـــدة الهاجــــري ورد الوالــــد عليـــــه ...
مرحبا بالجميع والله لايهينكم على كل حال
بالنسبة للرد فهو ظاهر عندي ومادريت وأعتذر من القلب
وهذا الرد :
حى الجواب وحـيِّ منهـو لفابـه
والمرسلة امية هلا وألف ترحيـب
من صاحبٍ تفرح ليا جـا خطابـه
كنْ المطر منزول من عالم الغيـب
نقرأ الكتـاب وكننـا مـعْ جنابـه
نسمع حديثه مستفيـضٍ بتهذيـب
من عند بوناصر فصيـحٍ جوابـه
وأبيات شعرٍ قـد نظمهـا بترتيـب
فرحـت بـه لـو إنِّ علـمٍ بدابـه
سجن الصديق وغاية السجن تعذيب
جاني سهر والصـدر زاد التهابـه
نار اللظى تحت الضلوع المحاديب
إن كان سجنك يشترى بالحسابـه
لو هي ملايينٍ فحنـا لهـا نجيـب
ننصـا عبيـدة ربعنـا والقرابـة
ونرسل لهم في كـلِّ وادٍ مناديـب
وفي خمسة أيـامٍ يجينـي جوابـه
هـم لابتـي ومنفذيـن المطاليـب
ثم نطلقك ياشـوق جالـي عذابـه
غنـدورةٍ كنْهـا غـزال المراقيـب
اللـي نهـوده شايـلاتٍ ثيـابـه
صُغْرٍ مثل بيض الحمام المطانيـب
تمت وصلـوا كـلِّ ماحـلِّ جابـه
على النبي اللي منزَّه مـن العيـب