قصيدة مسنده للشاعر مبارك الدوسري
وهي قديمه
عندما حاول احدهم الاساءه له باسمي
علمته الرمايه فلما ...؟
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
البداية صوت شاعر والنهاية راس مال = والمراجل من سناها مأخذ لمعة سناي
استشف العلم مره واتميز في الثقال = واكثر العراف تجهلني وتجهل مستواى
اي نعم غامض بشعري وان سمعت اللي يقال = عارف ماصار قبلي واعرف اللي من وراي
ومدرك كل المواطن بالحرام وبالحلال = عادتي من خلقة الله عارف موقع خطاي
والغرور أن كان يذكر وش على شم الجبال = لوسفت بعض الهبايب ثابت في مستواي
يامبارك هاك علمي جعل ضدك للزوال = مابقى من فوق راسي غير نجم في سماي
يشهد الله يابن زايد ماندور للمحال = لكن اللي شاش راسي من تساهل في جزاي
من يقدم سم الأفعى ويتظاهر بالكمال = مادرى اني حاجبً من فوق عينه في نقاي
مستفيض في التباهي والتغطرس له دلال = ويتشبث دون دونه جاحدً جمة عطاي
استدار وسل سيفه لكن ان السيف مال = واعتلى صهوة جواد كنت اعسفه في صباي
قد عسفته ثم عسفته لين صار الحال حال = لكن اني ماتركته والله انه في ذراي
يستظل بظل عرفي بين نون وبين دال = عالي فوق الشوامخ ويتباها في بقاي
يامبارك لك مقامك والمراجل ماتزال = انت بوها والدواسر جدها واسمع نداي
لايهمك كل واشي من نسى حجمه وعال = وارتدى ثوب العبيدي ... لا حشى ماهو رداي
انتشابه في المواقف نختلف عند السوال = والمحازم ماتساوت لو تعصى في عصاي
قبل لا تتعب ذلولك والقمر يصبح هلال = الليالي يالجوير هي كفيله عن وفاي
ذيب العبيدي[/poem]
__________________
سبحان الله وبحمده سبحان الله العظيم
(( ذيب العبيدي ))