[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
إن كان ماتـدري تـرا الثـوب ستّـار = لولا الستر كان أكثر الناس مبغـوض
لا تجحد أهل الدار فـي داخـل الـدار = الحق مهمـا قلـت ياهيـه مفـروض
تمشي خطا وعيـون خلـق الله كبـار = ولا دريت إن جسمك جروح ورضوض
إحفظ صلاتك قبـل مـا تـارد النـار = واكسب نعيم الدار في خمسة فـروض
لـو قـدّر الله يجـعـل لفـمّـك زرار = يمكن أقول إنك مشبـب ومحضـوض
عزّ الله إنك من صفـا الخطّـر مجـار = وإنك من إعجاب أغلب الربع مرفوض
لاتحسب إنك مالـك إعجـاب الأنظـار = اليوم واحد في ( 100 ) واحد يعوض
فان كان شفت صغار تخشاهـم كبـار = هذي تراها كـان ماتعلـم حضـوض
أنـا نصحتـك عـدّة أكـرار وأمـرار = وتقول أنا ما شوف والبـارق ينـوض
ما تـدري إن السـوق مليـان تجـار = وعلى البضاعة صار تخفيض وعروض
أمتارنـا بأميـال وأميـالـك أمـتـار = والفـرق يارجـال بيّـن وملحـوض
بينك وبيـن مطـاول العـز مشـوار = قدّم ملف أخضر وصـورة ومعـروض [/poem]