قصـيده في الـشيـخ ابن عـجيـان الحـبابـي
بسم الله الرحمن الرحيم
قـصـيدة موجـه ننـخـى فـيـهـا الـشيـخ / مـحـمـد بـن مـهـدي عـجـيـان الحـبابـي القـحطـانـي
إليا حدتك سود الليالي على أقصاك * وخابت رجـاويك وتاهت خـطاويـك
وحـفيت على درب المـراجل مطـاياك* وفـزعات خـلان الرخاء قـصرت فـيك
وقـامـت ظـروفـك والـليـلي تـحداك * فـانص الرجـال اللي من الظيم تنجيك
منـصـاك ابـن عـجيـان لاعـمـسـت أريـاك* رجـل الـمراجـل مايـخيب هقاويك
ويـن أنت يـامحمـد عجـب عين من جاك* جيتك على ذكرك وفعلك وطارـيك
وين أنت ياللي قبل عرفك عرفناك * صيتك يبشـر بـالسـعـد وجـه نـاصـيـك
ذكـرك مع ذولا وذولا وذولاك * فعلك وتـسـتاهل ومـكسـب الطـيـب يـمنـاك
من طيب راسك تكسب الطيب يمناك * جيتك على ذكركوأنا مقدر مقدر اجيك
اناً السجين اللي على يناديك مناك * وإن قلت وش اللي على السجن حاديك
ديـنـن تحـملتـه لـمـثلـك وشـرواك * مـانـيـب مـسـجـون عـلـى غـيـر مـرضـيك
مسجون في دين المواجيب وأنخاك * تكفا يابومـهدي مـن الـشـين نـاخـيك
قدلي سنين وحالتي حاـله اعـداك * والـنـاس مـاكـلـن مـقـامـه يـشـافـيــك
واليوم يامشكاي دخلتها حماك * أزبن عـلـيـك من العسر وأفـتـخـر فـيــك
حيثك رفيقي فزعـتـك وأتـمـنـاك * روس الـعـرب ربـعـك تـحـل الـشـرابـيـك
تفزع وتشفع طيب من طيب مـجـنـاك * وإن كـبـرة القـالات تـعرف عـزاويـك
حبـابيـتن يـوم الجـهـل فعـلكم ذاك * يشـهـد علـى مـاقــول تـاريخ ماظــيـك
السجين / عايض بن فهيد بن عايض الدسيمي الفهري القحطاني
سجين في سجن محافظة الاحساء العام وله في السجن ثلاث سنوات وسبعة اشهر
ومازال في السجن حتى اعداد هذا الخبر وقضية حقوق ماليه [دين]
التعديل الأخير تم بواسطة عبود الفهري ; 21-10-2010 الساعة 11:01 PM