المشاركة الأصلية كتبت بواسطة حسين العبدي

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
ياوجـودي ليتنـي ماعرفـت الطيبيـن=لجل مايثّر علي عقبهم عـرف الـردي
من لقى الرديان من بعد عشرة غانمين=يبطي وجرحه على رفقة الطيّـب نـدي
ينصدم من عايش الفرق بين الحالتيـن=صدمة الفقر المفاجي كريم(ن)اجـودي
والزمان يغـش الاجـواد بالمتميلحيـن=اللي من زود التملّق: ياعـم ويولـدي
يوهمون الصادق ويحرجون المستحيـن=ويذبحون فلان لفلان في الحاجه فـدي
من تعثّر منْهم يقول الاخر لـه معيـن=( ادهن سيور اللوازم وتاتيك اتعـدي )
ومعرفة يومين تكفيك يالعقـل الفطيـن=ماهو بلازم تحرّى الزمـان السرمـدي
لايغرك مـن يقـول النتائـج بالسنيـن=الزمن لو هو مدي..فالعمر ماهو مـدي
ماخلقك الله حقـل لتجـارب الاخريـن=حسب عادات العرب والشريعه والهدي
وان حصلت من الكرامه على كنزٍ ثمين=استريح وقول ياحـرّة الكبـد ابـردي
حتى لو تاكل من الوقت علقه علقتيـن=وتبتلش من عقب الاجواد في رفقة ردي[/poem]