[poem=font="Simplified Arabic,5,darkblue,normal,normal" bkcolor="transparent" bkimage="" border="none,5,gray" type=0 line=0 align=center use=ex num="0,black"]
مسكم الله بالخيرر جميعااا وهذي احدى قصائدي الجديده ارجو ان تنال اعجابكم


دنياك لاتامن خفايا دهورها= واحذر ترى الايام تتعب شهورها
اخذ الحذر منها وحذرا تطيعها=ان اقبلت عليك بين دبورها
تعطيك لين تقول مزين وصفها=ايامنا تضحك لنا في سرورها
تعطيك لين تقول مزين حلاها=مزين مصبحها ومحلا سمورها
تمدلك حبل الرجا فوق غارب=وتعطيك من غالي رحايق زهورها
الين تامنها وتامن عيالها=وتقول نور العمر يسعى بنورها
والى استلذت عيشتك في رضاها=دزت عليك من المصايب شرورها
قامت تلاعب بك وتعرض جنابك=على كل ضو غاليات قدورها
ترخص بعينك وانت ترخص بعينها=الين تشكي همها من فجورها
تراك فيها مثل سباح ماهر=يخوض طوفان الخطر في بحورها
مهما تقاومها تعود لطوعها=لان الاوادم مكلفين بعبورها
من بعدها بعطيك عشرة نصايح = من قبلما تعطيك الايام عورها
الاوله تر طاعة الله قرارها = من يوم ينبت شاربك الى قبورها
كلمه وتحمل كل معنى ببطنها=تظم لينهاوتطحن عسورها
والثانيه لاتنشد الا مجرب=ترى المجرب ذايق من مرورها
اخذ النصيحه واستمع قبل تاقع=ترى النصايحغاليات سيورها
لاتستبد برايك وتفتخربه=والناس قبلك حايمات طيورها
قد قالوا انها كان تهدى وتشرى=والحين تعطى من حكيم يشورها
والثالثه ترى الصبر في المصايب=يثبت معاليقك ويعلي شبورها
وتوقع انك كل يوم بمصيبه= والصبريشبه للصلاه وطهورها
وتوقع ان تفقد اليوم غالي = لو كان ابوك اوكان غالي بزورها
والرابعه ترى الخوي السنافي=محزم عسايفها ومحزم ظهورها
يرفعك لو طيح زمانك جنابك=لوكان يكثر في زمانك ثبورها
يحول دونك لو زمانك مولي=بالمال لو تثقل بنايد سعورها
واليا بغيت الحال ماهو بذاخر =وما يعتذر لوكان تكثر عذورها
والخامسه ترى خوانك عضودك=لوكان تكثر لك بلاوي عصورها
سيوفك اللي تقطع الشر دونك =لو تنقطع دونك ودايج نحورها
لو تنقطع دنياك ضموك ضمه=وحووك واووك ببساتين دورها
والسادسه ربعك ليا ضاق وقتك=ترهم اسود الغاب ولا نمورها
هم فزعتك ان صاح للشر صايح=واقفى مكبرها ووقف طمورها
والسابعه انساب ترهم ذواري=لو كان تعطي من غلاها مهورها
اغنم بنات اللي ليا كبر حملك=ما ضل ما قفها وتثبت حضورها
بنات قرم في كبار الدعاوي=يشيلها لوكان يكبر حصورها
والثامنه احفظ مواري حلالك=لادبرت دنياك واعرف دبورها
ولا تطاوع من يجرك على الردى=ترى الردي دايم يسمى جرورها
والتاسعه خلك شجاع وتجسر=ترى الشجاعه بينات امورها
والوقت يبغاله شجاع مجرب=جسور لاقلت طواري جسورها
والعشره اكرم ترى كل كارم=ينجيه طيبه من دناين حسورها
لاتتخر لاجاك ظيف مسير=لاجاك في حلتك يبغي يزورها
اذبح الحيل وقدم له الظهر=وجنب الهزلات واذبح جبورها
عطه الكرامه واثنها له وقدره=ترى الكرامه ما تضيع اجورها
لو كان ذكر بين ذولا وذولا =يبقى الذكر ولا الفنى في جزورها
هذي العشر تمت وصلو على النبي=عد السحاب وعد وابل مطورها[/poem]