مرثيه في المرحوم / محمد علي بن همله ال مجرّي ال معمر المتوفي يوم الثلاثاء الموافق 28/9/1431هـ رحمه الله واسكنه فسيح جناته

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

يا الله يا سامع دبيب النمله=يا غافر السيّات ومبدّلها
يا من سجدنا له ونرضى عدله=ولقدار نعرفها ولا نجهلها
إغفر لشايبنا محمد بن همله=وعفوك ورحماتك عليه أنزلها
مرحوم يا شايبنا حرف وجمله=يالله على قبرك مزنٍ نخيّلها
مرحوم يا من طيبه مثل العمله=يشري جموع الناس يستقبلها
إمن الكرم كنـْه الفرات ودجله=وظو الكرامه بالسخا يشعلها
اللي علومه بالوفا مكتمله=يا محسن هروجه ويا مقبلها
محدن شكا منـّه علومٍ هزله=غير المدايح والنعم تنقلها
زرعه من المعروف ما جا شتله=يزرع فيافي الارض ونحصّلها
إمن المعزّه لبس بشت ودقله=شخصيته بالطيب يا مجملها
ذكره بقى ولا أنطفت له شعله=خلّف رجالٍ جمّلت مدهلها
يبارك اولاده ويبارك نجله=العزوه اللي حفظت مراجلها
اهل الوفا والطيب واهل الصمله=واللي نقص عند العرب تكملها
منهو نصاهم في لزوم ... ومثله=يقضى قبل ما دلته يشخلها
الجزله اشهد إنك تلقى الجزله=اقولها وانته كذلك قلها
يا الله يا سامع دبيب النمله=يا غافر السيّات ومبدّلها
إغفر لشايبنا محمد بن همله=وعفوك ورحماتك عليه أنزلها[/poem]