[poem=font="Simplified Arabic,6,black,bold,normal" bkcolor="transparent" bkimage="" border="double,medium,black" type=4 line=0 align=center use=ex num="0,black"]
إمن أولا تغلي رفيقك ويغليك=واليوم كل مع رفيقه إيجامل
ان غبت في احفاظه ودرب يوديك=ماأفقدك لو تغيب لك عام كامل
لاني بمحتاجك ولاني براجيك=مسوي على خوتك تامين شامل
وان جيت فارحب ياعميلي تماتيك=وزود على الترحيب ضيفه وزامل
وكل ترى تقديره اللي على الشيك=ولا مافي الخوه على الضيق صامل
ياكون حر من حرار(ن) دواهيك=اللي إبطيبتهم تضيق المحامل
ماضييهم عن حاضر القوم ينبيك=مافيهم ان ذكروهل الطيب خامل
قطاعت الفرجه وتاخذ وتعطيك=في ضلهم يستشيخون الارامل
هذا الخوي اللي بوقتك مصافيك=ماهوباللي كل يومين هامل
وقت الرخا كثر الخويا يجريك=وفي الضيق تحصيهم بروس الانامل
واماانت ياللي ازهقتني بمدحتك فيك=لاشتدت الايام ويش أنت عامل
مثل المهادي واتشرف بطاريك=ياليت ..ذاماريد ..وارجو ..وامل
ولا عليك اللوم والله يجازيك=وجرحي لابد يطيب لو كان دامل[/poem]