رد : والــلـــه انــي نــــأوي
والله اني ناوي(ن) بالبعـد نـاوي *** مير ماني للبعـد ياصـاح قـاوي
الروابع تصطفق بي وتلتطـم بـي *** لطم موج(ن)دفه الريـح النحـاوي
أن رحلت اقول وشني غادي(ن)له *** وأن جلست تصك من فوقي البلاوي
صابر(ن)في وجه صلفات الليالـي *** والليالـي مـا حدتنـي للشكـاوي
شاكر(ن) ربي على وجـه البليـه *** لو مابه شدت(ن) ما بـه رخـاوي
اصعب الامثـال تطبيـق امثلتهـا *** مثل صافح يد منـت لهـا بقـاوي
صح الله لسانك يا محمد واعتلى شانك
قصيده جزله ومليانه ونحن هنا ننتظر جديد مثايلك