السلام عليكم ورحمة الله وبركاته

هاذي قصيدة الشاعر:شايع العيافي في الشيخ :عبدالله بن سعيد السابر الحمالي




هاجس الضيق قـام يـرادف انواعـه
كـل ماصـد عـن دربـه تغايـالـي

كم وكـم هـز خفاقـي وكـم راعـه
وكم على الله شكيت بضيق الأحوالـي

وكـم جفانـي مكـانٍ زل مربـاعـه
وكم جرح خاطري شي علـى بالـي

دورة العمـر يـا بـن ابـوي بتاعـه
لانحـرف حظهـا مافالـك بفـالـي

تقصـر البـاع للـي وافـي بـاعـه
واجبع الشبر ... معه عراض وطوالي

هكـذا فعلهـا والسمـع والطـاعـه
للـذي قــدر الدنـيـا والآجـالـي

لـو زمانـي علـي ابطـى تهزاعـه
ماتغيـر ليـال العـسـر منـزالـي

مانـي بعاجـزٍ فالمجـد واسنـاعـه
قد عطيـت الزمـان دقـاق وجلالـي

الرهـى فاليميـن ومـدي بضـاعـه
بضعـةٍ ماتضيـع روس الأمـوالـي

لا استدار الزمـان وطـول ذراعـه
لي مع اهل الوفا مخـرج ومدخالـي

عالـم فـي بيـاض الوجـه طماعـه
تعتـق المبتـلا مـن قلـة الـوالـي

لاثنـوا للصعيبـه جـات مطـواعـه
اطـوع مـن اللحاويـة.. للزوالـي

والله اني ماشيـل الهـم لـو ساعـه
دام فـوق البسيطـه يذكـر حمالـي

ربعنـا اللـي نهـار الضيـق بتاعـه
كوكب المرجلـه والمذهـب الغالـي

سربـةٍ لا حتمـى البـارود قطاعـه
فـي نهـارٍ تقاصـر منـه الآمالـي

وانت ياطارق الجاهل علـى اسماعـه
تـو مـادار حبلـي فـوق محـالـي

خل هـذا السفيـن ينفـض شراعـه
لين بحر القصيد ... يزبـن الجالـي

واحد غير "ابـن سابـر" ومطلاعـه
ياوجـودي وجـود و يابـري حالـي

ابلـجٍ يـوم ابـرق فـي تطـلاعـه
كنـه شيـخٍ الجهامه..ملحـق التالـي

قلـط المنفهـق .. مقـلاط شفّـاعـه
فـوق عـدٍ قراحـه لـه تـزلالـي

صار حمل القسى طبعٍ مـن اطباعـه
يـوم ولـد الـردي فعلـه تقـوالـي

قدم والقـدم يصعـب منـه مرجاعـه
جعل تفـداه شيخـانٍ علـى الخالـي

فالمجالـس علـي باشـا ومدفـاعـه
والروابـع ..ماتطلـع ربـع مثقالـي

ياقليـل المعرفـه ..علمـي قـلاعـه
مايبيلـك عليـه جنـيـه وريـالـي

مالك ومال .. نصف المـد وارباعـه
اخذ مدك وفى.. وازبن لـك حمالـي