هذه الابيات قلتها في رجل طيب راس وحر وطيب الراس ما يبور والحر يفهم
والعتب على الغالي دائماً

(خيبت ظني فيك)

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
خيبت ظني فيك يا طيـب الـرأس=ارخيت نفسك وانت عالـي مكانـه

اقول لك لاباس لكـن علـى بـاس=اشوف في عينك مـواري لاهانـه

انا عرفت السالفة وانـت حسـاس=لكن ويـن الحـس ويـن الذهانـه

من يوم مادوجت في سوق الافلاس=راحت عليك اللي تسمـى حصانـه

ترى مرافق كـل حاسـد وبـلاس=يشررررره الرجـال ويقـل شانـه

وترى الاوادم كتلة شعور واحساس=واكبر خطأ جرح الشعـور وكيانـه

والكلمة اللي فرقـت سايـر النـاس=يسعى بها الشمـات بأسـم الميانـه

بعض العلوم اللي ما تبنى على ساس=ما تنقبل فـي العـرف ولا الديانـه

والحر في هرجة لسانة لـه قيـاس=يقيسها لـه قبـل يسـرج حصانـه

والي جعل من كلمة الحـق نبـراس=ما هوب مثل اللي على ليـل دانـه

جاك الكلام وحطها بيـن الاقـواس=يطيـح الرجـال زلة لسـانـه

وان كان ما حسيت يا طيب الراس=مانت بعلى خبري ولا انت بتكانـه

[/poem]

..وسلامتكم مع تحيات اخوكم محمد بن عبدالله الفهري..