قصيدة للشاعر/ عبيد بن مسفر ابوظهير ال مخثله

ومناسبتها تتضح من مضمونها

[poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
بعـض العـرب ودك يجملـك بسكاتـه = أخـيــر ممـايـقـول ويـلـفـظ لـسـانـه
لاصار ضوه حطبها (الاثل) وحتاتـه = بعض الحطب يعمـي الرجـال دخانـه
ماهـو مجبـور علـى كشـف سـداتـه = الحكي وش لازمه؟ وشهـو علشانـه
حتيـش لـو غرتـه صـورة شهاداتـه = لاصار عرفـه يعـادل عـرف بزرانـه
الصـمـت حكـمـة وواجـــدةٍ مـلـذاتـه = يستر علـى صاحبـه ويجمـل اقرانـه
لايصيـر خبـلٍ يـدق دفـوف طبـلاتـه = قـــدام عـدوانــه وقـــدام صـدقـانــه
يتـرك مجالـه لغـيـره وقــت حـزاتـه = الوِرد تبغـى النهـل لاجـات ضميانـه
والهـرج يبغـى رجـالٍ تحكـم اثبـاتـه = ماكل رامـي يعـرف يصيـب نيشانـه
لاصـار جاهـل ويجهـل كــل مافـاتـه = يستكفـي بشايبـه ولاّ حــدا اخـوانـه
تـراه يكسـب مـن العـراف بانصاتـه = إلى صار في مجلسٍ ماهوب سلطانه
يكفيـه مـن ياخـذ التعبيـر مـن ذاتــه = الـلـي لـيـا جـابـهـا تـجـيـك ملـيـانـه
رجلٍ صعيـب المواقـف مـن مهماتـه = يشهد له من البشر من سمعت آذانه
عاصر زمانه وجـرّب جملـة اوقاتـه = مـتـهـدلاتٍ مـــن الايــــام حـجـانــه
صعـبٍ جـدالـه وصعـبـاتٍ مجـاراتـه = بالمعركـة فـارسٍ مايـهـزم حصـانـه
لاشـد حبـلٍ وصـارت خـوذه وهـاتـه = يبـيـن لــك ماخـفـا ويبـيـن برهـانـه
بارع.. يثبت على الاخصـام حجّاتـه = ويثبت وجوده لخصمه وسط ميدانـه
يعـرف مصاديرهـا والـورد لاجـاتـه = تروى وتصدر على ممتوح ذرعانـه
راعي المـلاوى يعافـه مـن ملاواتـه = متعـلـمٍ شغلـتـه مــن بـيـت شيبـانـه
يفخـر بـه اللـي يخبـره مـن قراباتـه = وعانيه والجار إلى ضـدوه عدوانـه
بابـه مشـرع ويذبـح للعـرب شـاتـه = والعود الازرق يفوح بوجه ضيفانـه
يفدونه اللـي بوقـت الضيـق شمّاتـه = الـلــي منافيـعـهـم لـفــلان وفـلانــه
لاقـلـت مــن هــو؟ بيـنـةٍ عـلامـاتـه = والخط يقرأ من يوم يشـاف عنوانـه
هـذاك (ابـو ناشـر) دامـت سلاماتـه = عسـاه يبـقـى لـنـا ويــدوم وجـدانـه [/poem]

____

ابو ناشر : هو الشيخ/ علي بن وازع بن شديد ال مخثله