[poem=font="MS Dialog,5,black,bold,normal" bkcolor="transparent" bkimage="" border="double,medium,black" type=4 line=0 align=center use=ex num="0,black"]
ثاني شهر ماخط حبر القلـم حـرف=والبال طول الوقـت ماهـوب رايـق
لاقلت زال الظـرف ينتابنـي ظـرف=ويشب في وسط الضمايـر حرايـق
أسوق رجلي من عدامه ليـا جـرف=ويعوقنـي ممـا طرالـي عـوايـق
الدين والميثـاق والسلـم والعـرف=يبعدني امن ادروب بعـض الطرايـق
وقت الشقا علمني الصبـر والكـرف=واعطاني ادروس(ن) عليهـا وثايـق
ومن سبة اظروف الدهر يسهر الطرف=ومن قـل ماجـود اليديـن أتضايـق
أحارب التبذيـر وأحـارب السـرف=للي معـه تسعيـن خـادم وسايـق
فياقلبي احفظ لي مقـام الغـلا وارف=الحال في تجنيـب بعـض الخلايـق
اللي تحسدك لو على عود من قـرف=واللي تغيـر فـي رمـوز الحقايـق
أموت جوع(ن) ماطلبت آمر الصـرف=يعطيني امن أثمـار نبـت الحدايـق[/poem]

الله الله الله
صح اللـــــــــــــــه لسانك مليون ولا يكفون لقد ابدعت في هذه النادرة
مفردات جزلة حبك وسبك معنى ترابط ..لقد راقت لي كثيرا
تحياتي لك يابو سيف

.