المشاركة الأصلية كتبت بواسطة حامد القريشي

حول مع اوجيه الرجال أهل المعرفة والصلاح @ واترك هروج البلبله والهمـز واللمـز البعيــد

واصبر على حكم القدر والضيق من عقب انشراح @ يجلب تعاسة الآدمي حتى ولو باسه شديد

والله على غير العمل قامت تقلد بالوشاح @وكم ليلة (ن) ساقـوا عليها تتدرج كنهـا بعيــد

التالفه للتالفي من مدته مدت شحاح @ لا يازماني وش بقى في جعبتك شيء(ن) جديد

صحيح مدات الردى تاتيك بالموت الذحاح @وسط العسل مدسوسها وتضح مع العقد الفريد

وأم الكباير جرت ذيول العنا تبغى المراح @ وافتر ناصح بالعرب واستر ابو قلب(ن) بليد

ياطاش ياما طاش ياسداح ياطير الفلاح @ يالعنبوها ضمتـك ماعمركـم قد صـدت صيــد

اكفخ عساكم للفنا مادام لك ريش وجناح @ ولا تـريـح فالـذرا عـز الله إن مامنـك فيــد

ياصاحبي طول القشر مافيه للعاقل صلاح @ ادنى هبوب(ن) عابره جرت سخيفات الجريد

يمنى المصافح مالها من عندنا كود الصفاح @ مداتـها تآخـذ دبلها كـان زادتهـا نـزيــد

وذكرتني بالضبعه القشرا مولولة النياح @ يوم أقبلت تبغى العشا مير العشا نزف الوريد

صوت وصدا مابه جدا لاواهني منهو استراح @ مع احترامي للنشاما اللي لهم شور(ن) سديد

عقب القضا زان اللقا برق السعد في الجو لاح @ وابرك من علوم(ن) بها الطامع ترا ما يستفيد

صدرتها ومغلفه تغليفة(ن) تبري الجراح @ ولسان حال المهتوي ياصاحبي هل من مزيد