[poem=font="Simplified Arabic,5,black,bold,italic" bkcolor="transparent" bkimage="backgrounds/15.gif" border="none,medium,gray" type=4 line=0 align=center use=ex num="0,black"]
يالله ياللي مابعد خاب داعيك=ياللي ليا ضاقت علينادعيناك
استغفرك يارب وقول لبيك= جودك ينجي العبد من شردنياك
يامرحبا يارائد والله يحييك=اعداد ماخط القلم فوق الإبواك
ترحيب من رجل يعزك ويغليك=الطيب فالك والشرف في محياك
اثني تراحيب الشرف في ملافيك=اعداد ماتمشي على الارض بخطاك
ارسالتك وصلت عسى الله يعافيك=والرد من راس بن محراك ينصاك
ومحمدابن سعيد خويك وعانيك=وجه وجاه ولا يخالف نواياك
الي لياكثرت همومك يسليك=صديق صدقانك وسم على اعداك
فبعض الرجال اغلى من الروح والشيك=والبعض ودي يروح وعطيه انا اشياك
المجتمع صابه تفرق وتفكيك= والمشكله في الكهربه وسط الإسلاك
ولو تنصح الجهال بتقول وشفيك=تبلش مع الجهال وتسل شلفاك
فقال المثل ماكتب لك ما بيخطيك=يصد من غيرك وما كتبلك جاك
دنيادنيه ماتساوي المسوايك=من البشام الحلو ولا من الراك
وجه نظر مافيه داعي نوصيك=جدك وبوك الي على الطيب رباك
وانا اعتذر من طيب قصدك وخافيك=لاصرت انا ما جدت في شرح معناك[/poem]

__________________